Kyline Alcantara, and Kobe, Andre, Benjie Paras
MUKHANG kasundo na ng Kapuso actress na si Kyline Alcantara ang pamilya ng basketball player na si Kobe Paras.
Ito ay matapos kumalat ang TikTok video na makikitang naka-bonding ni Kyline ang ama ni Kobe na si Benjie at ang kapatid nito na si Andre, kasama ang non-showbiz girlfriend na si Honey Escarez.
Sa viral video na ibinandera ng TikTok user na si @poppie016.16, mapapanood na parang bumisita sa isang opisina ang apat na kung saan ay pinagkaguluhan sila ng ilang empleyado upang makapagpa-picture.
Nahagip din sa isang clip na sweet sina Kyline at Kobe na inaayos pa ng una ang buhok ng huli.
Baka Bet Mo: Kobe Paras na-‘friendzone’ nga ba si Kyline Alcantara: ‘Girlfriend agad?’
@poppie016.16 @kyline alcantara #benjieparas #kobeparas🔥 #chookstogo ♬ Smile In Your Heart – Ace Andres
May video rin na magka-holding hands ang dalawa habang papalabas na sila ng establisimyento kasama sina Benjie, Andre at Honey.
Magugunita noong Mayo lamang nang biglang sumiklab sa social media ang chikang may “something” sa realsyon nina Kyline at Kobe.
Ilang beses silang spotted together, kabilang na riyan ‘yung nag-date umano sa isang susyal na restaurant sa Taguig, ‘yung magkasama sila sa birthday party, ‘yung present sa opening ng tattoo shop ng basketball player ang aktres, at ang huli ay ‘yung magkasama sila sa GMA Gala 2024.
At speaking of GMA Gala, nagulat si Kobe nang usisain siya ng ilang entertainment press kung girlfriend na ba niya si Kyline.
Ayon sa kanya “great friends” sila ngayon ng young actress.
Pagbubunyag ng athlete, hindi pa niya inaalok na maging dyowa si Kyline.
Sey niya sa panayam, “Bakit girlfriend agad? Nagtanong na ba ako?”
Gayunpaman, inihayag ni Benjie sa isang pahayag sa Philippine Daily Inquirer na suportado niya ang dalawa.
“Boto ako whoever he’s with. That’s his life, not mine. Whatever works for them and makes them happy, then I’m happy too,” sambit niya.