Pangulong Bongbong Marcos, dating US president Donald Trump
NAGPAABOT ng well wishes si Pangulong Bongbong Marcos kay dating United States President Donald Trump sa pamamagitan ng social media.
Ito ay matapos ang “assassination attempt” sa gitna ng campaign rally ni Trump na ginanap sa Pennsylvania kamakailan lang.
“It is with great relief that we receive the news that former President Donald Trump is fine and well after the attempt to assassinate him. Our thoughts and prayers are with him and his family,” lahad ni Marcos sa kanyang X account (dating Twitter) noong July 14.
Dagdag niya, “Together with all democracy-loving peoples around the world, we condemn all forms of political violence.”
“The voice of the people must always remain supreme,” ani pa ng ating pangulo.
Baka Bet Mo: PBBM binuking relasyon nina Josh, Bimby kay FL Liza: She’s their aunt!
It is with great relief that we receive the news that former President Donald Trump is fine and well after the attempt to assasinate him. Our thoughts and prayers are with him and his family.
Together with all democracy loving peoples around the world, we condemn all forms of…
— Bongbong Marcos (@bongbongmarcos) July 14, 2024
Ayon sa mga ulat, napuruhan ang 78-year-old former president sa kanyang kanang tenga.
Makikita sa video na ibinandera ng CNN na nagsasalita si Trump sa stage nang may marinig na mahinang tunog ng ilang putok ng baril.
Napahinto sa pagsasalita si Trump at makikitang bigla niyang tinakpan ang isang tenga at sabay dapa sa sahig.
Agad din naman siyang pinalibutan ng kanyang security upang protektahan at unti-unting umalis sa venue.
Dalawa ang patay sa insidente –ang gunman at isang bystander, habang sugatan ang dalawang nanonood sa rally.
Ilang oras lamang ay nag-post si Trump sa socmed platform na Truth Social at sinabing: “I knew immediately that something was wrong in that I heard a whizzing sound, shots, and immediately felt the bullet ripping through the skin.”
Wika pa niya, “Much bleeding took place, so I realized then what was happening.”
Tila kinondena naman ni US President Joe Biden ang atake at sinabing, “No place in America for this kind of violence.”
Si Biden ang makakalaban ni Trump sa darating na eleksyon sa Nobyembre.