Mylene Dizon
“I AM a very, very strict mother.” Iyan ang pahayag ng seasoned actress na si Mylene Dizon patungkol sa kanyang mga anak.
May dalawang anak si Mylene – ang 19-years-old na si Tomas at ang 15 anyos na ngayong si Lucas.
Baka Bet Mo: Mylene ibinandera ang ‘topless’ video nina Piolo, Kyle: ‘OMG, wait lang!’’
Knows n’yo ba na may mga ipinatutupad na rules and regulations ang aktres sa kanilang tahanan na talagang sinusunod naman g kanyang mga anak.
“May curfew sila, may oras lang ng paggamit sana ng gadget as much as possible,” pahayag ni Mylene sa panayam ng “Tao Po.”
“I want them to always do their best. I am, hangga’t minor sila or nakatira sila sa poder ko, gusto ko rules ko ang masusunod.
“Pero hindi ibig sabihin nun na hindi ko pinapakinggan ang mga anak ko. Gusto nila kalabanin ‘yung rules ko, pinapakinggan ko rin ‘yun and I also encourage it,” pahayag pa ni Mylene.
Single parent din si Mylene at very proud siyang sabihin na solo niyang pinalaki sina Tomas at Lucas, “I play both mommy tsaka daddy. ‘Yung roles na ‘yun I have to do both.
Baka Bet Mo: Vice Ganda miss na ng madlang pipol; Mylene masaya sa muling pagbabalik bilang Kapamilya
“I have to be strict and at the same time fun. Naniniwala ako na ‘yun lang ang disiplina at mga pangaral ko lang ang maiiwan ko sa kanila. And bahala na sila kung ako gusto nila gawin doon,” paliwanag ng premyadong aktres.
Diretsahan ding sinabi ni Mylene na wala na sa priority niya ang pag-aasawa, “I am not a person who wants a husband. Hindi siya priority sa akin katulad ng iba. I don’t want to be dependent on anybody.”
Samantala, napapanood ngayon si Mylene sa Kapamilya series na “Pamilya Sagrado” bilang si Mercedes Sagrado, ang asawa ni Gob. Raphael Sagrado played by Piolo Pascual.
Kuwento ni Mylene about her character, “Si Mercedes Sagrado is somewhat a trophy wife. Isa akong parang dating beauty queen who had ambition to be part of this family.
“I was very ambitious and it wasn’t really a relationship that was born out of love to begin with,” pagbabahagi pa ni Mylene Dizon sa naturang panayam.