NAGBIGAY ng babala ang talent manager at showbiz insider na si Ogie Diaz sa businesswoman at social media personality na si Rosmar Tan tungkol kay “Jiro Manio”.
Matatandaang isang “Jiro Manio” ang nag-send ng message sa negosyante at nanghihingi ng trabaho.
Ngunit ayon kay Ogie, hindi totoong Jiro ang humihingi ng tulong sa kanya at isa itong pekeng page.
Kahit siya raw mismo ay pinadalhan ng mensahe at hiningan ng tulong ng taong nagpapanggap bilang si Jiro.
Baka Bet Mo: Bea Alonzo may bagong boyfriend na raw, ayon kay Ogie Diaz
Personal nga raw na tinanong ni Ogie ang tunay na Jiro tungkol sa paghingi ng trabaho kay Rosmar ngunit dinenay niya ito.
“Rosmar, fake account po yung kausap nyong Jiro Manio. Kung sino sino po ang tsina-chat niyan. Baka mabudol ka.
“Kausap ko yung totoo, and through us, pakisabi na hindi raw siya yon. Okay ang tumulong, pero wag sa nagpapanggap na nangangailangan,” sey ni Ogie.
Chika pa niya, dinedma nita lang ang mensahe ni Jiro dahil feeling niya ay hindi ito ang totoong award-winning child actor.
“Kung saan nandun ang iyong resort, yun ang bigyan mo po ng trabaho para tulong na din sa kanila. By the way, wag ka nang umasa ng public apology sa Fake Jiro. Baka fake din ang paghingi ng sorry,” hirit pa ni Ogie.
Matatandaang kamakailan lang ay naging usap-usapan si Rosmar at ang kanyang Team Malakas dahil sa ginawa nito umanong charity event sa Coron, Palawan na nauwi sa alitan nila matapos sugurin ang isang staff ng mayor.
Matapos nito ay idineklara na ang mga ito bilang mga persona non grata.