Millie Bobby Brown ikinasal na kay Jake Bongiovi: ‘It was very low-key’

PHOTO: Instagram/@jakebongiovi

IKINASAL na ang sikat na Hollywood actress na si Millie Bobby Brown sa kanyang fiancè na si Jake Bongiovi!

Ang masayang balita ay kinumpirma ng ilang international media outlets kagaya ng People at The Sun sa magkahiwalay na reports kamakailan lang.

“Millie and Jake quietly said their vows in America last weekend,” ayon sa source ng The Sun.

Ani pa, “It was a very low-key, romantic affair with their closest family with them as they said their vows.”

Ibinunyag din ng insider na ang “Stranger Things” actress at si Jake ay nagpaplano ring magkaroon ng mas malaking wedding ceremony bago matapos ang taong 2024.

Baka Bet Mo: True ba, Pia Wurtzbach, Jeremy Jauncey 3 lang ang inimbitang bisita sa kanilang beach wedding, anyare?!

Para sa kaalaman ng marami, ang mister ni Millie ay anak ng sikat na rock legend na si Jon Bon Jovi.

Ayon pa sa report, present sa nasabing intimate wedding ang mga magulang ng dalawa.

As of this writing, wala pang inilalabas na pahayag ang newly-wed couple kaugnay sa kanilang pagpapakasal.

Magugunita noong Marso, ibinunyag ni Millie na busy siya sa wedding preparations ng kanyang partner.

Sa isang panayam, inamin ng aktres na super excited na siya sa next journey ng kanyang buhay.

Taong 2021 nang magkakilala sa pamamagitan ng Instagram ang mag-asawa.

Kwento ng Hollywood actress, naging magkaibigan muna sila bago mag-date at opisyal na maging magkasintahan.

Abril ng nakaraang taon naman nang ibinandera ng couple ang kanilang wedding engagement.

Sa isang panayam, inihayag ng ama ni Jake ang kanyang suporta para sa dalawa, lalo na pagdating sa malaking agwat ng kanilang edad.

“I think that would be my advice really, is growing together is wise. I think that all of my kids have found the people that they think they can grow together with. And we like them all,” sey ni Jon Bon Jovi.