Ogie Alcasid nagluluksa sa pagpanaw ng talent manager na si Leo Dominguez
PHOTO: Facebook/Aogie Alcasid
WASAK ang puso ni Ogie Alcasid sa pagpanaw ng kanyang long-time friend at talent manager na si Leo Dominguez ng LVD Management Corporation.
Sa pamamagitan ng Instagram, ibinandera ng batikang singer ang throwback picture nila ni Leo at inihayag ang kanyang pagpupugay.
“You were the first person who told me that I could be a singer-songwriter back when we were in high school. I actually did not believe you,” caption niya sa post.
Patuloy niya, “To say that I had the very best manager in you is a total understatement because you were more than that to me. You were a friend and a real brother for almost 34 years.”
“Salamat Leo sa lahat ng pinagpaguran mo para sa akin. Napakasakit sa dibdib na wala ka na,” mensahe niya sa yumaong kaibigan.
Baka Bet Mo: Ogie Alcasid umaming mas naging ‘very sensitive’ ngayon: ‘I cry over Korean dramas, maybe I’m just getting old?!’
Aniya pa, “The world just lost a priceless human being. Love you Leo Dominguez. Rest now with Jesus.”
View this post on Instagram
Nauna nang naglabas ng official statement ang naiwang pamilya ng yumaong talent manager na ibinandera kahapon, May 24, ayon sa report ng ABS-CBN News.
“It is with deep sorrow that we announce the peaceful passing of Leo Vinluan Dominguez, who has left us to join our Creator. True to his gentle and quiet nature, Leo departed serenely,” saad sa pahayag.
Dagdag pa, “In lieu of flowers, we kindly request your prayers for Leo’s eternal peace.”
Ang wake ni Leo ay gaganapin sa Linggo, May 26, sa St. Alphonsus Mary de Liguori, Magallanes, Makati City mula 10 a.m. to 12 midnight, na may misa ng 5 p.m.
Ayon din sa statement, ang LVD Management Corp. ay magpapatuloy sa operasyon na pamumunuan ng business partners ni Leo na sina Rey Lañada at Freddie Blasco.
Para sa kaalaman ng marami, si Leo ang humawak sa karera ng ilang bigating bituin sa entertainment industry, kabilang na riyan si Ogie, pati sina Paulo Avelino, Lovi Poe, at Janine Gutierrez.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.