Angelu de Leon at Bobby Andrews
KASAGSAGAN nang kasikatan ng loveteam nina Bobby Andrews at Angelu de Leon nang ma-in love at magkaroon ng dyowang non-showbiz ang aktor.
Kuwento ng dating matinee idol nakilala niya ang kanyang naging wifey na si Bienne Co habang ginagawa nila ni Angelu ang dating Kapuso hit youth-oriented series na “TGIS.”
Napag-usapan ang tungkol dito nang mag-guest si Bobby sa nakaraang episode ng “Fast Talk with Boy Abunda” kung saan inamin niyang nagkadyowa siya sa gitna ng kasikatan ng tambalan nila ni Angelu.
Dito, nagpasalamat nang bonggang-bongga si Bobby kay Bienne dahil talagang naging understanding ito sa loveteam nila ni Angelu. Sinuportahan ni Bienne ang kanyang showbiz career.
“When I met Bienne, the love team was there, so it was all givens. And I’m very grateful naman na she accepted me for who I was,” pahayag ng aktor sa panayam ni Tito Boy.
“It was unfortunate na siyempre hindi kami puwedeng mag-date, hindi kami puwedeng makita sa labas. Naintindihan niya ‘yon,” sey pa niya.
Knows daw ni Bobby kung gaano ito kahirap para kay Bienne kahit hindi ito nagsasalita at umaamin sa kanya. Pero in fairness naman daw sa kanya, nanatili siyang loyal sa kanyang dyowa mula noon hanggang ngayon.
Sa katunayan, pinakasalan niya agad si Bienne nang mabuwag na ang loveteam ni Angelu. Wala na rin daw siyang pakialam kung makaapekto ito sa kanyang career.
“Nu’ng nasira ‘yung love team, that was because Angelu got pregnant, so she had to leave the show, it was around that time also that I decided to get married,” sey ni Bobby.
At kahit nga maapektuhan ang kanyang career, at sa kabila ng payo ng talent management na humahawak sa career niya, gora pa rin siya sa plano niyang magpakasal.
Baka Bet Mo: Bobby Andrews umaming kinausap ng nanay ni Angelu de Leon para huwag ituloy ang balak na panliligaw
“Because for me, well, there was success and there’s a monetary equivalent that goes with that success, correct? But for me, happiness, you can only find once. So I chose to get married and start a family.
“At the back of my mind, if my career has to suffer because of this, so be it,” sey ng aktor.
Sa tanong kay Bobby kung na-bash si Bienne noon, “Love, yes. Bashing, no. ‘Cause during that time, medyo tumultuous ‘yung what’s happening with Angelu, what happened to me.
“So all the fans actually were both supporting our respective decisions,” sabi pa ni Bobby na napapanood ngayon sa GMA Afternoon Prime series na “Lilet Matias: Attorney-At-Law.”