Ogie may pa-blind item na mga ‘bugaw’ umano: ‘Mga politiko na ang ka-date’
SINO kaya ang tinutukoy ng content creator at talent manager na si Ogie Diaz na mga boogaling o bugaw?
Ito ang post ni Ogie sa kanyang Facebook stories kagabi na idinaan niya sa blind item ang mga batang nakaka-date ng politiko.
Pinuna kasi ni Ogie ang isang app na mala-pornhub at sinabing: “’Di ko kinakaya. Para nang Pornhub ‘yung app. Tapos, ang ending ‘yung mga bata, mga pulitiko na ang idine-date kasi nga may ‘premium’ na nga daw sila.”
Sinigurado rin nito na tatalakayin niya ang isyung ito sa kanyang vlog na “Showbiz Update” na naka-upload sa YouTube channel.
Aniya, “Isang araw, tatalakayin ko nga ito. Buhay na naman ang mga boogaling.”
Baka Bet Mo: Ogie Diaz inutangan din ng mga artista: Ang ending, ako pa ang masama!
PHOTO: Facebook Story/Ogie Diaz
May hula kami sa blind item na ito ni Ogie, pero minabuti naming ‘wag magbigay ng clue dahil baka mali kami.
Anyway, maraming kasamahan sa showbiz ang mag-aabang kung kailan ito tatalakayin ni Ogie with Mama Loi Valderamma at either Tita Jegs, Ate Mrena o Dyosa Pockoh ang makakasama nila sa vlog nilang “Showbiz Update.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.