Zeinab Harake at Bobby Ray Parks, Jr.
SUPER react ang ilang beking netizens sa pagreregalo ng content creator at aktres na si Zeinab Harake ng rubber shoes kay Bobby Ray Parks, Jr..
Talaga raw tinalbugan ng vlogger ang mga bading sa ibinigay niyang mamahaling sapatos sa kanyang dyowang professional basketball player.
Ipinamukha nga kasi ni Zeinab sa mga bading na kering-keri ring magregalo ng mga girlalu ng expensive rubber shoes sa kanilang mga dyowa.
Baka Bet Mo: Zeinab Harake wala nang kawala kay Bobby Ray Parks, nagbakasyon sa Palawan
Kadalasan kasing tinutukso ang mga beki na kapag may dyowang basketball player, automatic na raw ang pagreregalo ng rubber shoes, bukod pa sa motorsiklo.
Sa kanyang Instagram Story, ibinandera nga ni Bobby Ray ang signature sneakers na iniregalo sa kanya ni Zeinab na may caption na “Thank you.”
Sumagot naman si Zeinab sa kanya, “2 more to go para 1 – I, 2 – love, 3 – You!” Ibig sabihin, may dalawa pa siyang kasunod na pa-surprise para sa kanyang dyowang cager.
Ang naturang signature sports shoes, ay ang Nike Kobe 8 Protro Mambacita, “which was conceptualized and designed by the popular sportswear and shoes manufacturer in honor of Gianna “Gigi” Bryant, the daughter of NBA basketball star Kobe Bryant.”
Baka Bet Mo: Zeinab Harake handa nang pakasalan si Bobby Ray Parks, pero…
Narito naman ang reaksyon ng mga netizens sa pasabog na regalo ni Zeinab para sa kanyang dyowa.
“Wow, iba rin, super relate ako kay Zeinab. Ganiyan din ako sa dyowa kong player!”
“Ay parang beki talaga si Zeinab, alam na alam ang ireregalo sa dyowa.”
“Ay, talbog tayo ni Zeinab, mas maganda ang regalo niyang rubber shoes kay Ray. At more, more, more pa, ha!”
“Wow! Sana all may dyowang tulad ni Zeinab!”
“Go, Zeinab, ikaw talaga ang dyosa ng mga beki!”