PHOTO: Instagram/@piawurtzbach
FEELING honored at grateful si Miss Universe 2015 Pia Wurtzbach sa natanggap na parangal sa Dubai.
Sino nga ba ang hindi matutuwa na kahit nag-uumpisa pa lang siya sa fashion world ay kinilala na siyang “Global Fashion Influencer of the Year” ng EMIGALA.
Sa pamamagitan ng Instagram, proud na ibinandera ni Pia ang ilang moments sa awards night.
Plinex din niya siyempre ang kanyang eleganteng look na kung saan ay suot niya ang kumikinang na Michael Cinco black gown.
“Back in Manila but can’t help share this night! Deeply honored to receive the Global Fashion Influencer of the Year Award [trophy, sparkling emojis] Thank you to everyone who has supported me on this journey!” caption niya sa post.
Mensahe pa niya, “Let’s keep inspiring and empowering each other through style and creativity [red heart emoji] So excited for what else is in store [blushing smiling face emoji].”
Baka Bet Mo: Chavit Singson hiyang-hiya kina Pia Wurtzbach at Catriona Gray, anyare!?
Sa acceptance speech, inihayag ni Pia ang kanyang pasasalamat, lalo na’t nagagamit niya ang kanyang plataporma upang himukin ang marami na magkaroon ng “impact” at “purpose” sa buhay.
“I couldn’t be more grateful,” saad niya.
Patuloy ng beauty queen, “[But] even though it’s amazing to be glammed up, to be in the industry of beauty and fashion, what I want to remind other people that look up to me [is] to put purpose in the things that you do.”
“It’s great to be here, to be receiving an award, but it’s also great to have an impact and purpose,” sey pa niya.
Mensahe ni Pia, “So find your passion, find the advocacy that you really care about, because this platform that we all have is truly powerful, and sometimes we take that for granted.”
Sinabi rin ng beauty queen na ito rin ang kanyang paraan to give back.
“[This] also reminds me that the work continues,” aniya.
Ang ikaapat na edisyon ng EMIGALA Fashion & Beauty Awards ay ginanap noong April 27 at 28 sa Dubai.
Para sa kaalaman ng marami, ang nasabing event ay isang star-studded ceremony na may layuning kilalanin ang ilang miyembro at contributors pagdating sa fashion and beauty industries mula sa iba’t-ibang lupalop ng mundo.
Bago mabigyan ng nasabing award, unang na-secure ni Pia ang ika-anim na pwesto ng “most visible influencers” mula sa listahan ng influencer marketing platform na Lefty.io, kahit first time niyang maging attendee ng Milan at Paris Fashion Weeks last year.
Ito ay matapos kumita ang beauty queen ng USD 2.95 million o P166.9 million in media value (EMV) dahil sa kanyang social media presence sa fashion week events.