Kris naka-survive na walang yaya sa loob ng 1 linggo, grateful sa mister

UNTIL now, naghahanap pa rin ng yaya ang aktres na si Kris Bernal.

Ayon sa kanya, isang linggo na silang walang katuwang sa pag-aalaga sa anak nila ni Perry Choi na si Baby Hailee Lucca.

Kaya naman, isang linggo rin siyang hindi nakapag-post sa social media.

Recently lamang ay nagkaroon siya ng update at nabanggit nga niya na pagod na pagod na silang mag-asawa dahil sa dami nilang duties bilang parents, sa bahay at negosyo.

“I haven’t been on social media in weeks because we have yet to find a yaya and a house helper. Naghahanap pa din kami,” update ng aktres.

Baka Bet Mo: Paghahanap ng malilipatang bahay ni Claudine inintriga: ‘Tumira ka na lang sa condo mo, titirhan lang yun ng multo kung walang nakatira’

Paglalarawan pa niya sa sitwasyon nila ng mister, “Walang pahinga, walang tulog. Literal!”

“Perry is in-charge of the household while I am in responsible/in care of Hailee,” kwento pa niya.

Kasabay ng kanyang post, lubos niyang pinasalamatan si Perry dahil maaasahan daw talaga ito bilang mister at tatay.

“I am grateful for having a spouse on whom I can always rely on. Through good and bad. Rain or shine. Extremely attentive to our needs,” sey ni Kris.

Sa hiwalay na Instagram Story, ibinandera ni Kris ang video ng kanyang mag-ama na tulog na tulog sa upuan.

Kitang-kita na pagod na pagod na nga si Choi at mukhang malalim na ang pagkakatulog habang yakap ang anak.

“Kaya pa, @choi.perry?” lahad ng aktres sa caption.

Noong March 20 nang huling nanawagan si Kris kaugnay sa paghahanap ng yaya.

“No yaya = no tulog,” ang nakalagay sa caption ng post ni Kris, kalakip ang isang selfie photo kung saan makikitang tila super tired at puyat-puyatan ang peg habang karga ang kanyang anak.

“SEND HELP! Looking for yaya! Send me a DM! Referrals only from fam/friends!” hirit pa niya.