Heart Evangelista
PATULOY ang pamamayagpag ng Kapuso star na si Heart Evangelista sa international fashion scene bitbit pa rin siyempre ang bandera ng Pilipinas.
Pagkatapos ng viral na pagrampa niya sa Paris Fashion Week, ang latest pasabog naman ni Heart ay ang pagiging cover girl ng GLAM Malaysia kung saan bumandera nga ang iba’t iba niyang paandar na OOTD, hairstyle at make-up.
Siya lang naman ang napili na maging cover ng naturang prestigious luxury fashion magazine ng Malaysia kasabay ng pagdiriwang ng kanilang 20th anniversary.
Sa isang bonggang litrato ng international fashion icon na kuha dito sa Maynila with the iconic Cultural Center of the Philippines (CCP) as background, makikita ang suot niyang Dior ensemble na pak na pak ang kasosyalan.
Ipinost ni Heart sa kanyang Instagram page ang isang video kung saan mababasa sa credits ang mga pangalan ng kanyang make-up artist, hair stylist at photographer na lahat ay mga Filipino.
Ang caption na nakalagay sa kanyang IG post, “It’s an honor to headline the 20th year anniversary issue of @glammalaysia. I love sharing my own glam.
“Much more, I love learning about how others define glam in their own right. From Manila to Malaysia, to other parts of Asia, and the world, Fashion unites the artist within us all!” aniya pa.
In fairness, handpicked daw ng nasabing magazine si Heart para sa kanilang latest edition, “This ASEAN star shines the most at the Fashion Week,” na ang tinutukoy ay ang Association of Southeast Asian Nations.
“All loyal lenses await the presence of @iamhearte when attending a fashion event. Started as an actor, now she is dominating the fashion stage. Front row is incomplete without this Manila native winner! Not only fashion, Heart also gives her time in the world of art,” ayon sa post ng GLAM.
Baka Bet Mo: Dating glam team ni Heart Evangelista nagsalita na, dinenay na pera ang dahilan ng paglayas
Isang quote mula sa panayam ng magazine ang mababasa sa cover article about Heart’s fashion at style. Aniya, “Honestly, I really admire every guest who attended fashion week.
“These people inspire a variety of ways through their aesthetics. I love it when people are very free with the decision on how they dress up because I am like that too. I style according to my mood.
“I used to like planning, now I’m more simple, more nonchalant while conveying aura je ne sais quoi (I don’t know what),” sabi pa ng wifey ni Sen. Chiz Escudero.
Si Heart din ang naging cover girl para sa August 2023 issue ng Singapore’s fashion magazine ICON, na inilarawan siya bilang “Fashion Queen.”
Noong October, 2023, ang global media influencer ay naging cover din ng Harper’s Bazaar Indonesian edition.
May nabasa naman kaming comment mula sa mga fans ni Heart na umabot na raw sa 30 fashion show ang napuntahan ng aktres sa Paris.