DAHIL nag-trending ang isinulat namin dito sa BANDERA ngayong araw tungkol sa kawalan ng medic sa set ng seryeng Black Rider ni Ruru Madrid ay kaagad sumagot ang aktor.
Ayon sa nasulat namin ay nahirapang makahinga ang aktres na si Rio Locsin sa eksenang ginawa niya at dahil dito ay walang umalalay sa kanya, base ito sa kuwento ng aming source.
Nabanggit din naming may viral video sa Tiktok na nakunan nga si Rio na hindi makahinga.
Sa mismong website ng BANDERA nagkomento si Aljhon na kasama sa Black Rider ni Ruru.
Aniya, “Dahil po yon sa eksena na ginawa nila ni Ruru. Nahirapan po siya makabitaw sa emosyon. Hindi totoo na walang medic sa set ng Black Rider. Ang totoo may nakahanda pa ngang ambulansya parati doon. Si Jon po pala ito mga Kapuso. Si CALVIN ng Black Rider. Maraming salamat po.”
Baka Bet Mo: Ruru isinugod sa ospital, payo ng doktor…mag-‘pause’ muna sa trabaho
Sinundan naman ng nangangalang Taggy Malto Arieta, “Aljhon Lucas, nice to clear up tol!”
At sa kanyang Facebook page ay ni-repost ng bida ng Black Rider na si Ruru Madrid ang BANDERA at saka nagpaliwanag.
“Hindi po totoo na nahirapan huminga si Tita Rio sa set ng Black Rider. Meron po kaming eksenang ginawa, kung saan nahirapan si Tita Rio na i-cut ang emotions n’ya after mag-cut ng aming Director.
“Kaya kung mapapansin niyo po ‘yung video kino-comfort po s’ya ng lahat. Hindi din po totoo na walang medic sa set ng mga GMA Shows dahil hindi po natin masasabi kung ano ang pwedeng mangyari sa isang set ng programa at dapat po tayong handa doon.
“Maraming salamat po. Bandera.”
Binalikan naming ang aming source tungkol dito at natawa, “oo nabasa ko nga ang post nila (Aljhon at Ruru), talaga ba? Wait ha, hinihingi ko ang buong video saka ‘yung kasama kong nasa set papadala rin ako ng video wait mo.
Good thing sumagot sina Aljhon at Ruru para maklaro ang isyung ito. Salamat sa inyong dalawa.