Sarah wish maka-collab si BTS Jung Kook, excited na sa ‘Global Force Award’
Sarah Geronimo, BTS Jung Kook
KUNG papipillin si Popstar Royalty Sarah Geronimo, ang BTS member na si Jung Kook ang nais niyang maka-collaborate in the future.
‘Yan ang sinagot mismo ni Sarah nang tanungin siya ng isang fan sa pamamagitan ng Q&A session sa X (dating Twitter) kamakailan lang.
Tanong sa kanya, “Any K-Pop group you wish to meet and maybe you’d like to collab with?”
Sagot ng OPM icon, “I love JUNGKOOK. I think he is an amazing artist. Ang galing niya sobra [smiley].”
Makikita sa comment section na napa-react ang broadway legend na si Lea Salonga na kilala rin bilang avid fan ng nasabing K-Pop group.
“Grabe siya! [I strongly] agree!!!” wika ng Miss Saigon star.
Baka Bet Mo: Julie Anne San Jose hinamong makipag-showdown kay Sarah Geronimo: Hindi po ako lalaban
I love JUNGKOOK. I think he is an amazing artist. Ang galing niya sobra 🙂 https://t.co/VFXfKNhxmn
— Sarah Geronimo (@JustSarahG) March 5, 2024
May isang netizen naman ang curious kung may plano si Sarah G na pasukin ang international scene matapos gumawa ng kasaysayan bilang first Filipino na mabibigyan ng parangal ng “Global Force Award” sa Billboard’s Women in Music.
Question ng netizen, “Already have plans to go international after the Billboard Women in Music Awards?”
Tugon ng batikang singer, “If given the chance, why not. But of course I am open to working with International Artists if given the opportunity.”
If given the chance, why not. But of course I am open to working with International Artists if given the opportunity. https://t.co/OfEub7yTHe
— Sarah Geronimo (@JustSarahG) March 5, 2024
At speaking of the event, inamin ng Popstar Royalty na excited na siyang irepresenta ang mga Pinoy sa international arena.
“Iba iba. Mixed emotions – excited, nervous! Looking forward to the event,” sambit niya.
Dagdag pa niya, “Honored because I’ll be there to represent the Filipino Music Industry.”
Iba iba. Mixed emotions – excited, nervous! Looking forward to the event. Honored because I’ll be there to represent the Filipino Music Industry. https://t.co/CXpe1yZkpz
— Sarah Geronimo (@JustSarahG) March 5, 2024
Kasalukuyang nasa Los Angeles, California na si Sarah upang personal na tanggapin ang kanyang parangal na gaganapin sa YouTube Theater.
Ayon sa American entertainment and music magazine na Billboard, kabilang si Sarah sa mga listahan ng honorees kasama ang Italian singer-songwriter na si Annalisa at Brazilian singer-songwriter na si Luisa Sonza na tatanggap ng parehong award.
Sa paglipas ng taon, si Sarah ay kinilala sa iba’t-ibang international award-giving bodies.
Kabilang na riyan ang Awit Awards, Mnet Asian Music Award, MTV Europe Music Award, World Music Award, Classic Rock Roll of Honour Award, at marami pang iba.
Maliban pa sa kanyang matagumpay na music career, bumida rin siya sa ilang hit movies kagaya ng “Bituing Walang Ningning,” “A Very Special Love” at “Miss Granny.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.