Mark Bautista gusto nang magkapamilya, open magkadyowa ng babae
INAMIN ng singer-actor na si Mark Bautista na nasa punto na siya ng kanyang buhay na nais na niyang magkaroon ng sariling pamilya.
Sa kanyang panayam kay Karen Davila na mapapanood sa YouTube channel ng huli ay napag-usapan nila kung kumusta na nga ba buhay ng singer.
Pag-amin ni Mark, sa edad niyang 40 ay never pa niyang na-experience ang magkaroon ng relasyon sa babae.
Pero sa kabila nito ay sinabi naman niyang open siya sa possibility na magka-girlfriend.
Aware naman ang lahat na inamin na noon ng singer-actor ang pagiging bisexual nang ilabas niya ang librong “Beyond the Mark” noong January 2018 na naging controversial noon dahil sa kanyang mga pasabog.
“Isinulat ko, hindi pa exact na I’m gay. Sinabi ko sa book na I was bisexual kasi open-ended yung libro,” pagbabahagi ng singer.
At ngayon nga raw ay open si Mark na ma-fall sa isang babae dahil nais na niyang magkaroon ng sarili niyang pamilya.
“Open pa rin ako to fall in love with a girl kasi gusto ko talagang magka-family. Gusto ko magkaanak and all that.
“I’m still open to it na kung may babae na tatanggapin ako and all that, I think I’m still open. Kung mapa-fall ako or ma-in love ako sa isang babae, wala akong problema,” pagbabahagi ni Mark.
Naglabas rin ng saloobin ang singer kung bakit nais na niyang mag-settle down.
“Na-realize ko na ‘Shocks. Kung tatanda ako, sinong maiiwan dito… saan ko ibibigay yung pinaghirapan ko? Or sino ang mag-aalaga sa akin? Naisip ko rin na dapat siguro may kasama ako or may anak or something,” sey ni Mark.
Pero tanggap naman daw niya kung anuman ang ibibigay sa kanya ng Panginoon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.