Sue Ramirez, Deo Endrinal
IBINANDERA ng aktres na si Sue Ramirez ang kanyang pakikiramay sa namayapang ABS-CBN Dreamscape Entertainment Head na si Deo Endrinal.
Maliban sa mga pasasalamat, ikinuwento rin ni Sue ang malaking naitulong sa kanya ng ABS-CBN executive sa kanyang matagumpay na karera.
“Paalam po, Sir Deo [folded hands, white heart emojis],” panimula niya sa ipinost na IG Story.
Mensahe niya, “Salamat sa pagkakataon at tiwala na ipinagkaloob niyo sa akin. Hindi po namin makakalimutan ang lahat ng iyong kabutihan at habang buhay namin ikukwento ang mga magandang alaala mo.”
“Rest in peace, Sir @deo_endrinal [emojis],” aniya pa.
Baka Bet Mo: Angel nagparamdam sa burol ni Deo Endrinal, tanong ng netizens: Saan ka?
PHOTO: Instagram/@suennadoodles
Kasunod niyan, shinare din ng aktres ang screenshot ng maikling conversation nila ni Deo matapos niya makuha ang role bilang si “Lexy Lucero” sa drama series na “The Broken Marriage Vow.”
Mababasa na nagpaabot sa kanya ng congratulatory message si Deo at tiniyak pa niya kay Sue na nandyan lang siya para alalayan ang aktres.
Ayon sa caption ng Kapamilya star, si Deo ang dahilan na nabago ang takbo ng kanyang buhay.
“Binago po ng tiwala niyo ang buhay ko. Palagi kong hinangad na sana magkaroon ulit ng pagkakataon na makatrabaho ko po kayo,” wika niya sa IG story.
Ani pa niya, “Napakabuti niyo pong boss at tao, Sir Deo. Mamimiss po namin kayo [white heart emoji].”
PHOTO: Instagram/@suennadoodles
Noong February 3 nang sumakabilang-buhay si Deo sa edad na 60.
Ang kanyang anak na si PJ Endrinal ang mismong nagkumpirma sa malungkot na balita.
Ibinurol ang kanyang labi sa Heritage Park sa Taguig at ang inurnment ay naganap noong February 8.