Heart Evangelista, Liza Soberano
MARAMING artista ang super proud sa bagong milestone ng aktres na si Liza Soberano!
‘Yan ay matapos siyang magmarka sa international scene dahil sa kanyang Hollywood debut na “Lisa Frankenstein.”
Sa Instagram, ibinandera ni Liza ang ilang pictures nang dumalo siya sa international premiere night ng nasabing pelikula kasama ang cast members.
“What a special night the Lisa Frankenstein premiere was! I’m so incredibly honored to be around amazing talent and even better human beings!” caption niya sa IG.
Wika pa niya. “I’m so proud of this wonderfully bonkers film we made that was born out of love for horror/comedy and a passion for storytelling.”
Baka Bet Mo: Liza Soberano nag-shine nang bonggang-bongga sa ‘Lisa Frankenstein’
Sa comment section, mababasa na isa sa mga tuwang-tuwa sa kanya ay ang fashion icon at socialite na si Heart Evangelista.
Nagpahayag si Heart ng kanyang all-out support at bumilib sa lakas ng loob ni Liza na tahakin ang kanyang Hollywood dream sa kabila ng mga risk sa kanyang karera.
“Carving out her own path. This is power! [I’m] proud of you, Liza,” mensahe niya kay Liza.
Ani pa niya, “You went against the flow of the usual norm. The risk of not getting anyone’s approval and still going for what’s in your heart, go for it!”
Kasunod niyan ay nag-congratulate din siya sa team ni Liza, “The spotlight is on you for everyone to see!”
PHOTO: Instagram/@lizasoberano
Maliban kay Heart, ilan pa sa mga fellow Filipino celebrities na bumati sa achievement ni Liza ay sina Janella Salvador, Iza Calzado, at marami pang iba.
“I am so incredibly proud of you,” komento ni Janella.
Saad naman ni Iza, “Congratulations!!! Been your fan since day one. So proud of you!!! [red heart emojis].”
Lahad ng content creator na si Inka Magnaye, “Hell yes Liza!!! Im celebrating youuuu! [emojis]”
Sambit sa kanya ni Trina Legaspi, “It suits you so well! Hollywood star! [emojis]”
Showing na sa mga sinehan ang Hollywood film na “Lisa Frankenstein” at kasama riyan ni Liza sina Cole Sprouse, Kathryn Newton, Carla Gugino, at marami pang iba.
Ang ginagampanan ni Liza sa pelikula ay bilang si “Taffy,” ang step sister ni “Lisa Swallows” na gagampanan naman ng American actress na si Kathryn.