Tumawa, mamangha sa star-studded na pelikulang ‘Argylle’, showing na

PHOTO: Courtesy Universal Pictures

MAAKSYON pero nakakaaliw na pelikula ba ang hanap niyo sa mga sinehan?

Swak na swak diyan ang bagong spy flick na pinamagatang “Argylle” na showing na sa lahat ng lokal na sinehan.

Star-studded at talagang bigatin ang cast ng bagong movie kaya naman super entertaining ang kinalabasan nito.

Bibida sa action-comedy film sina Henry Cavill, Dua Lipa, Bryce Dallas Howard, Sam Rockwell, Bryan Cranston, Catherine O’Hara at Ariana DeBose.

Ang kwento ng “Argylle” ay iikot sa book author na si Elly Conway (Bryce Dallas Howard) na biglang nadawit sa isang organisasyon ng mga spy.

Baka Bet Mo: Liza Soberano paano nabigyan ng role sa Hollywood film na ‘Lisa Frankenstein’?

May isinulat kasi siyang best-selling espionage novel kung saan ang mga naimbento niyang kwento ay totoong nangyayari.

Dahil diyan, nanganib ang buhay ni Elly at diyan nagsimulang mag-iba ang buhay niya kasama ang isang sikretong spy organization.

Maliban sa napakagandang storyline, tiyak na mabibilib kayo sa video editing effects na ginawa sa bagong pelikula.

Kahit mismo ang bidang si Bryce ay napa-wow sa kinalabasan ng kanyang movie.

“This is a spy thriller like you’ve never seen before, and I couldn’t believe it when I was reading it,” chika ng Hollywood actress.

 Dagdag niya, “When you sign on to a Matthew Vaughn film you know there’s going to be a lot of action.”

“You also know it is going to be conceived in a way that is incredibly fresh. In this film, the action sequences were a hybrid between dance and martial arts,” aniya. 

Ang “Argylle” ay mula sa direksyon at prinoduce ni Matthew Vaughn, ang gumawa rin ng hit movies na “Kingsman” at “Kick-Ass.”

 Ang iba pang producer ng pelikula ay sina Adam Bohling, Jason Fuchs, at David Reid.

 Habang ang mga executive producers ay sina Adam Fishbach, Zygi Kamasa, Carlos Peres at Claudia Vaughn.