Gretchen Ho, Robi Domingo, Maiqui Pineda
ININTRIGA ng mga netizens ang dating celebrity couple na sina Gretchen Ho at Robi Domingo matapos ang kasal ng TV host kay Maiqui Pineda.
Ikinonek kasi ng ilang tagasuporta ni Gretchen ang kanyang Instagram post na may hugot tungkol sa pagharap sa mga hindi inaasahang pagsubok sa buhay.
Inakala ng mga nakabasa ng kanyang IG Story na may kaugnayan ito sa pagpapakasal ng dati niyang boyfriend sa fiancée nitong si Maiqui na naganap nitong nagdaang weekend.
Sa X (dating Twitter) post ng isang netizen kahapon, January 8, ibinahagi nito ang screenshot ng quote sa IG Story ni Gretchen. Sey ng netizen, nalulungkot siya para sa TV5 news anchor at host.
Ang nakasaad sa quote na ibinahagi ni Gretchen, “Things don’t come to us once we are ready, they tend to arrive early. Right when we are not sure of our capacity to fulfill them.
Baka Bet Mo: Robi, Maiqui naging magdyowa dahil kay Piolo: We owe him everything!
“And that’s the acceptance of the challenge. The ability to trust ourselves to figure it out as we go. To navigate new waters and learn along the way.”
Bukod dito, nag-share rin ang naturang X user ng wedding video nina Robi at Maiqui. Inalok pa niya si Gretchen ng tagay sa caption nito.
Nang makarating ito kay Gretchen, agad niyang nilinaw na hindi para kina Robi at Maiqui ang kanyang post kundi sa kanyang “career realizations”.
“Hi, sorry, couldn’t help but clear this up. My post on my IG stories was about some career realizations. I was off-grid for most of the day (camping) so I didn’t really know,” depensa ng news anchor.
Dugtong pa niya, “Re: wedding, I am very and completely happy for Robi and Maiqui! We are good friends! (white heart emoji).”
Tatlong taon naging magdyowa sina Robi at Gretchen at naghiwalay noong March, 2017. Nag-issue sila ng joint statement about their breakup.
“There is too much happening for the both of us right now. We have to focus on our careers. There is no appropriate time yet for a relationship to grow. But we’re not closing our doors on each other in the future,” ayon sa ex-couple.