SB19 Justin manggugulat sa ‘Senior High’, kalaban ba o kakampi?
Gela Atayde at SB19 Justin
NA-EXCITE nang bonggang-bongga ang fans ng P-pop boy group na SB19 nang mapanood ang teaser ng Kapamilya suspense-drama na “Senior High.”
Sa inilabas kasing maikling patikim last Friday ng naturang serye sa susunod na mga episode nito, ay ipinakita ang SB19 member na si Justin de Dios.
Kaya naman ngayon pa lang ay abangers na ang mga manonood lalo na ang mga tagasuporta ni Justin kung ano ang magiging karakter ng binata sa laging trending na “Senior High”.
Baka Bet Mo: Kathryn Bernardo, Dolly de Leon nag-dinner kasama ang team ng ‘A Very Good Girl’, netizens na-excite
Sa napanood naming teaser para sa episode next week, mukhang si Justin ang makakasama ng karakter ni Gela Atayde na si Tanya sa kanilang school prom.
View this post on Instagram
Hinuhulaan na rin ngayon ng mga manonood kung kakampi ba o bago na namang kalaban ng bidang si Andrea Brillantes ang role ni Justin.
Ang SB19 ang kumanta sa soundtrack ng serye na “Bazinga” na mula sa first EP o extended play nilang “Pagsibol” na ini-release noong 2021.
Anyway, mas magiging kaabang-abang pa ang mga susunod na twists and turns sa kuwento ng “Senior High” sa huling dalawang linggo nito. At malalaman na rin kung sino talaga ang pumatay kay Luna (Andrea).
Napapanood pa rin ang “Senior High”, from Monday to Friday, 9:30 p.m. sa iba’t ibang platforms ng ABS-CBN.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.