Andrea Brillantes, Daniel Padilla at Kathryn Bernardo
DAHIL lang sa pag-unfollow sa isa’t isa nina Kathryn Bernardo at Andrea Brillantes sa Instagram ay hindi na natigil ang balitang kaya may problema ngayon ang KathNiel ay dahil kay Blythe.
Ang daming mga larawang naka-post ngayon sa social media na magkasama noong bata pa si Andrea ay kasa-kasama na siya nina Kathryn at Daniel Padilla. May kuha ring nakayakap si DJ kay Blythe.
Kapatid ang turing ng KathNiel noon kay Andrea bilang bata pa kaya “kuya” at “ate” ang tawag ng huli sa dalawa.
At dahil kontrabida ngayon ang tingin ng supporters ng KathNiel kay Andrea kaya in-unfollow na rin nila ito.
Ito rin ang tsika ni Ogie Diaz na napansin niyang hindi na pina-follow si Blythe ng kaibigan at supporters ni Kathryn.
Post ni Ogie sa kanyang FB kaninang alas-dos ng madaling araw, “Grabe na ‘yung isyu ng follow-unfollow. Dahil maraming nagmamahal kay Kathryn Bernardo, bilang pakikisama, ayun, pinag-a-unfollow nila si Andrea Brillantes.
Baka Bet Mo: Kathryn super proud sa KathNiel fans: ‘They allow us to grow…hinahayaan nila kaming gawin kung saan kami masaya’
“Anyway, ‘wag kayong mag-alala, Kathryn, DJ at Blythe. Kahit di n’yo ako pina-follow sa instagram ko (@ogie_diaz), hindi ko kayo ia-unfollow.
“Nakaka-tense na sa mga panahon ngayon na mababalita kung ina-unfollow mo ang isang tao. Eh, paano nga kung i-unfollow ko yang tatlong bagets na ‘yan tapos hindi naman maibalita o ma-viral na, ‘Ogie Diaz, in-unfollow na sina KathNiel at Andrea!’
“Ako pa napahiya, di ba? Kaya ayoko nang mag-dare mag-unfollow. Baka sabihin, isa’t kalahating inggitera lang ako.
“Pero ano nga kaya kung i-deactivate ko yung IG ko? Ma-viral na kaya? (Laughing face emojis).
Mahigit sa 1,000 na ang likes at laughing face emojis ang nakita namin sa post ni Ogie.