![Maricel Soriano 'di na siningil ang mga artistang nangutang sa kanya, bakit kaya?](https://bandera.inquirer.net/files/2023/11/Maricel-S-1024x745.png)
Maricel Soriano
INAMIN ng Diamond Star na si Maricel Soriano na kinalimutan na niya ang mga celebrities na nagkaroon ng utang sa kanya.
Sa kanyang naging interview kay Aiko Melendez na mapapanood sa YouTube channel ng huli, sumalang ito sa “Truth or Dare” kung saan may choice siya kung sasagutin ang isang tanong o gagawin niya ang kaukulang dare para sa naturang question.
Isa nga sa mga naitanong kay Maricel ay kung sinu-sinong mga celebrity o personality na hindi pa rin nakakapagbayad sa kanya.
“Naku, kinalimutan ko nang lahat ‘yan. Kasi ako, lista sa tubig ‘yan. Wala ‘yun,” sagot ng Diamond Star.
Biro ni Aiko, pagkatapos raw ng kanilang shoot para sa vlog ay uutangan niya ang kanyang Nanay Maricel dahil hindi na ito nagpapabayad.
Hirit naman ng beteranang aktres, tulong na niya ito sa tao.
“Pag ako nagbibigay kinakalimutan ko na ‘yun. Tinulungan mo tapos pagbabayarin mo rin. Edi hindi nakagaan sa paghihirap nung tao,” paliwanag ni Maricel.
Sunod na tanong nito ay kung ano ang ranking ng mga aktres na nakatrabaho niya recently from best to least— Kim Chiu, Iza Calzado, Kaila Estrada, at Jodi Sta. Maria.”
Unang pinili ni Maricel si Jodi, sunod ay si Iza, next naman si Kaila, at ang panghuli ay si Kim.
“Pero mahuhusay sila. They’re alright,” sey ng Diamond Star.
Samantala, puring-puri naman ni Aiko si Maricel dahil hindi ito madamot sa pagbabahagi ng knowledge sa mga kasamahang artista upang mas mapaigi nito ang pag-arte.
“Marami akong ginawang gano’n kasi ito ‘yung mga dekalibreng artista para sa akin. Isa ka doon, anak na ginawa kong bida dahil may ipapakita kayo e,” pagbabahagi ni Maricel.
Dagdag pa ni Aiko, kakaunti lang ang mga artistang naging anak-anakan ng Diamond Star na hindi marunong umarte.
“Don’t think with your brain whem you’re acting. You think with your heart. Your heart kasi will tell you everything,” sey pa ni Maricel.
Related Chika:
Maricel Soriano inaming si Vice Ganda ang pinakamalakas niyang nasampal: Dumugo e