Isabel Rivas at Azenith Briones
KINUMPIRMA ng veteran star na si Isabel Rivas na ilang araw nang nawawala ang kanyang kaibigan at kapwa aktres na si Azenith Briones.
Matinding pag-aalala at takot ang nararamdaman ngayon ni Isabel para sa kanyang kaibigan na aniya’y posibleng dinukot dahil hanggang ngayon ay hindi pa rin nila ito nakikita.
Sa pamamagitan ng kanyang Facebook account, ibinalita ng beteranang aktres ang biglang pagkawala ni Azenith na nalaman lamang niya sa isa ring FB post.
Ni-repost niya ang nasabing FB status mula sa account ng isang nagngangalang Paul Macasiano na nagsabing pinasok umano ng apat na kalalakihan ang kanyang bahay at dinukot ang aktres.
Ayon pa sa post, may pinagdaraanan ang veteran actress ngayon na may kinalaman daw sa family problems.
Ang caption na inilagay ni Isabel sa kanyang Facebook post, “Friends: I just want to inform everyone that I am looking for my dear friend Azenith Briones who was abducted & up to this time we cannot find.
Baka Bet Mo: Riva Quenery dumalaw kay Awra, inilahad ang pinagdaanan ng kaibigan: Gusto n’yo bang gawing trophy si Awra?
“It all started when I saw this post on my wall. I have talked to the proper authorities & we her friends will do everything we can to get her out where they are keeping her,” mensahe ni Isabel.
Ipinagdiinan pa niya na walang anumang bisyo ang kanyang kaibigan kaya hindi nila maisip kung ano ang motibo ng mga taong dumukot sa kanya.
“She is not an addict, not alcoholic & definitely not mentally challenged nor crazy as others claim. She is in her best state at 67 years young but yes she’s going thru heartbreak’s bcuz of family issues.
“May God protect her wherever they are hiding her, give her strength & hope. May our authorities help Azenith Briones in her time of need.
“This is one of her lowest times after her husband died trapped in a casino years ago. No mother deserves to be treated like this.
“I plead to her family to pls help us find or just see her as we all know how devastated she must be at this time.
“Pls let’s all pray for Azi as I fondly call her for us to see her (praying hands emoji). amen Jesus Christ we lift her up To You Lord God… amen,” ang huling bahagi ng mensahe ni Isabel Rivas.
Baka Bet Mo: Juliana Parizcova nagpatutsada sa ‘Katips’, Johnrey Rivas rumesbak: Kayo na po blockbuster!
Nangako naman ang mga FB followers ng aktres na ipagdarasal ang kaligtasan ni Azenith.
“Prayers for safety and protection.”
“OMG! Kawawa naman si Ms. Azinith. Napanuod ko pa months ago ung interview Nita with Mr. Julius Babao.”
“This is shocking. I haven’t seen her post for a while. I hope she’s okay.”
“Omg, kaya pala dko muna nakikita na ngpopost cia sa fb.i hope she’s safe.”
Nagsimula ang showbiz career ni Azenith Briones noong mid-70s at ilan sa mga nagawa niyang pelikula ay ang “Patayin si… Mediavillo” (1978), “High School Circa ’65” (1979), “Temptation Island” (1980), “Boy Negro” (1980), Kalabang Mortal (1981), at “Johnny Tanggo” (1982).
Bukas ang BANDERA sa magiging official statement ng pamilya ni Azenith Briones hinggil sa umano’y kanyang pagkawala.