Perfecto de Castro
MAY himig pagtatampo ang gitarista ng Rivermaya na si Perfecto de Castro o mas kilala sa tawag na “Perf” sa kanyang mga dating ka-banda.
Isang cryptic post kasi ang ibinahagi nito sa kanyang Facebook account nitong Lunes, November 6.
“Wala sa picture, e di wala,” saad ni Perf sa kanyang post.
Tila nakaramdam naman ng lungkot ang dating gitarista dahil wala siya sa naturang poster gayong isa siya sa naging parte ng bandang Rivermaya.
Umani naman ng samu’t saring reaksyon mula sa netizens ang naturang post ni Perf.
Baka Bet Mo: Reunion concert ng Rivermaya sa 2024 tuloy na tuloy na, loyal fans nagpiyesta
“Sumikat ang karamihang songs ng original rivermaya dahil din sa signature solos n Perf,” saad ng isang netizen.
Comment naman ng isa, “Dapat sir nanjan ka. kayo ung una at orig na line up ng R.M”
“Paano naging reunion ng Rivermaya kung walang Perf na kasama? Pass,” sey naman ng isa.
Matatandaang inanunsyo na sa madlang pipol sa pamamagitang isang Facebook post ang magaganap na reunion concert ng Rivermaya.
Makikita sa naturang larawan ang mga dating miyembro na sina Bamboo Mañalac, Rico Blanco, Mark Escueta at Nathan Azarcon kaya naman may mga netizens rin ang naghahanap kay Perf.
Matatandaang sumikat ang Rivermaya noong 1994.
1995 naman nang nilisan ni Perf ang kanilang banda matapos ang kanilang unang album. 1998 naman nang nagdesisyon si Bamboo habang nagtu-tour ang banda sa Amera at Canada. At ang recent na umalis ay si Rico noong 2007.
Samantala, wala pa namang official statement ang Rivermaya members hinggil sa tila hindi pagkakasama ni Perfecto de Castro sa naturang reunion na ito.
Related Chika:
Maris feel na feel ang hit song ng Rivermaya: Safe ‘yung feeling ko kapag nandiyan si Rico
Game ba si Bamboo na magkaroon ng reunion concert ang Rivermaya?