Hollywood film ni Liza Soberano na ‘Lisa Frankenstein’ ipalalabas na sa February, 2024
PHOTO: Instagram/@lizasoberano
KAABANG-ABANG ang Hollywood film na “Lisa Frankenstein” kung saan tampok ang aktres na si Liza Soberano.
May date na kasi kung kailan ito nakatakdang ipalabas!
Ayon sa US-based film production company na Focus Features, mapapanood na ang pelikula sa United States sa darating na February 9, 2024.
Habang wala pang anunsyo para sa premiere date pagdating sa Philippine theaters.
Noong October 14, naglabas na ng pasilip ang “Lisa Frankenstein” kung saan makikita ang mga bidang Hollywood actors na sina Kathryn Newton at Cole Sprouse.
Mapapanood sa video na binuksan ni Kathryn ang tanning machine kung saan nasa loob si Cole na aksidente pang nauntog ang kanyang ulo.
“It’s giving unliving [lightning emoji] LISA FRANKENSTEIN only in theaters 2.9.24…written by diablo cody & directed by @zeldawilliams,” saad sa captions.
Baka Bet Mo: Liza Soberano inaming mismong direktor ng ‘Lisa Frankenstein’ ang nag-encourage sa kanya na mag-audition
View this post on Instagram
Ang “Lisa Frankenstein” ay umiikot sa isang teenager na gagampanan ni Kathryn na umibig sa isang gwapong bangkay na gagampanan naman ni Cole.
Habang si Liza ay gaganap bilang “Taffy,” ang stepsister ni Kathryn.
“After a set of playfully horrific circumstances bring him back to life, the two embark on a murderous journey to find love, happiness…and a few missing body parts along the way,” saad sa official website ng pelikula.
Sa isang interview nauna nang ikinuwento ni Liza na na-intimidate agad siya sa kanyang co-stars.
“At first, I was definitely intimidated before I got to meet them because I didn’t know how they were going to be, I didn’t know how they were going to treat me. As soon as I got into it, it was as if I never took a break,” chika niya.
Dagdag pa niya, “I’m really happy that a lot of people know that I’m working on this project now because my fans have been waiting for the longest time since 2022 from me to go back into acting. And so I’m happy that they finally have something to look forward to.”
Sa mga hindi pa masyadong aware, ang direktor ng “Lisa Frankenstein” na si Zelda Williams ay anak ng yumaong Hollywood superstar na si Robin Williams.
Si Kathryn naman ay napanood sa HBO mystery drama “Big Little Lies” at sa Netflix teen series na “The Society.”
Si Cole ay isa ring American actor na nakilala sa Disney Channel series na “The Suite Life of Zack & Cody.”
Related Chika:
Liza Soberano natupad na ang ultimate dream, kasali sa cast ng ‘Lisa Frankenstein’
Lisa ng Blackpink tinamaan ng COVID-19; iba pang miyembro ng grupo nagpa-PCR test agad
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.