Ivana Alawi
ALIW na aliw ang mga netizens sa bagong vlog ng Kapamilya star na si Ivana Alawi na kinunan sa pagbabakasyon niya sa Bangkok, Thailand kasama ang ilang kaibigan.
Nilibot ng grupo nina Ivana ang ilang kainan sa Bangkok kabilang na ang isang karinderya doon. In fairness, nag-enjoy naman sila sa paglafang ng mga iba’t ibang pagkain doon.
Pagkatapos nito, naglamiyerda naman sila sa isang lugar doon na parang sa Divisoria. Buy si Ivana ng mga damit at isang pares na shades.
Kasunod nito, muli silang naghanap ng makakainan. Nakahanap sila ng isang tindahan ng mga exotic food at isa sa mga nabili nila ay coconut ice cream na nakalagay mismo sa loob ng biniyak na buko.
Buy din sila ng durian kung saan may nakatuhog na tila fried strawberry dahil sey ni Ivana at ng mga kasama niya ay malutong daw ito.
Baka Bet Mo: Ivana walang kalandiang dyowa: Hindi ako naghahanap, hindi rin ako nagmamadali
Ngunit ang talagang nagmarka sa mga netizens ay nang i-try nilang kumain ng buhay na hipon na may kung anu-anong sahog.
“Hoy, huwag nating kainin ‘to,” ang sey ng kaibigan ni Ivana.
“Bakit?” ang tanong naman ng aktres at content creator.
“Puwede nating alagaan,” ang birong sagot ng kanyang friend.
Natatawa namang hirit ni Ivana, “Iuwi natin ng Pilipinas (para maalagaan).”
Baka Bet Mo: Ivana: Kung may nilabag akong batas, eh di kasuhan na lang nila pero lalaban ako
Habang inalug-alog na ni Ivana ang biniling hipon na nakalagay sa isang plastic food container, bigla siyang natakot dahil nagtatalon at naglalabasan ang mga ito sa lalagyan.
Ibinigay agad niya ito sa kanyang kaibigan para ito na lang ang mag-alog pero muling nagtatalun-talon ang mga hipon at napunta sa kanyang boobs.
Kaya naman biglang napamura si Ivana, “Tumatalon siya sa dede ko! Oh my, God! Ano ba ‘to?!”
Bukod dito, kumain din ang Kapamilya actress at sikat na vlogger ng tipaklong at alakdan.