Kylie Padilla inalala ang pinagdaanang postpartum depression, pero: I realized there’s a blessing behind it…
PHOTO: Instagram/@kylienicolepadilla
INALALA at nag-open up ang Kapuso actress na si Kylie Padilla patungkol sa pinagdaanan niyang “postpartum depression” noon.
Sa isang YouTube vlog, ikinuwento ng aktres na nagsimula ang kanyang postpartum depression matapos niyang isilang ang anak na si Axl na naging ugat ng hiwalayan nila ng dating mister na si Aljur Abrenica.
Inamin ni Kylie na nalulungkot pa rin siya sa tuwing naaalala ito, bagamat itinuturing din daw niya itong isang “blessing.”
“Kapag naaalala ko ‘yun, nalulungkot ako kasi I was diagnosed with postpartum depression but also, I was told to just stay in bed and rest. Nahirapan ako noon,” kwento niya.
Sey pa niya, “Nahirapan akong i-process ‘yung nangyayari sa’kin because I had no control of my body.”
Baka Bet Mo: Pakiusap ni Kylie Padilla: Please stop tagging me on my ex’s and his gf’s posts…
“I wanted to be able to take care of my kids after giving birth, which is why na-trauma din ako kaya ayoko na mag-baby sana. Ayoko na maramdaman ulit ‘yun. I felt like a failure to my kids,” pagbabahagi niya.
Pakiramdam din daw niya, ito ang dahilan kaya hindi siya naging “best wife” sa estranged husband, pati na rin bilang “best mom” sa kanilang dalawang anak.
“Our marriage started getting rough… I felt like a failure,” sambit niya.
Patuloy niya, “Sadly, I wasn’t able to be the best mom I could’ve been, the best wife I could’ve been. If I’m going to be super duper honest, during that time, I expected na kahit mahirap, we would survive it.”
“But not all partners are able to love their partners when they’re in the ugliest place and the worst place they’ve been,” dagdag pa niya.
Nabanggit din ng Kapuso actress na nagawa niyang lagpasan ang kanyang paghihirap noong naghiwalay na sila ni Aljur.
“Naghiwalay kami ng ex ko, and I was devastated. After we separated, we went through another bout of depression, but I realized there’s a blessing behind it because I feel like whatever happened was a gateway for my growth,” saad niya.
Matapos niyang ibahagi ang kanyang journey bilang ina, umaasa siya na mahahanap ng kanyang mga tagahanga ang halaga ng “inner peace.”
“When I let go of my anger, and all my rage, and all my anger, and all my shame, alam niyo kung ano ang natira? I just had this feeling of love inside myself,” aniya.
Kung matatandaan, taong 2018 nang ikinasal sina Kylie at Aljur.
Biniyayaan sila ng dalawang anak na sina Alas Joaquin at Axl Romeo.
Makalipas ang tatlong taon ay kinumpirma ng dalawa ang kanilang paghihiwalay.
Related Chika:
Zeinab Harake inaatake ng postpartum depression: Iyak ako nang iyak, nai-stress ako…
Jessy Mendiola inaming nakaranas ng ‘postpartum depression’: It wasn’t easy…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.