Vice Ganda pinagtripan ang hugot post ni Nadine Lustre: ‘Parang may ie-endorse kang katol’
Vice Ganda, Nadine Lustre
MARAMING fans ang naintriga sa bagong hugot post ng award-winning actress na si Nadine Lustre.
Sa Instagram, ibinandera ni Nadine ang isang aerial shot kung saan makikitang nakahiga sa gitna ang isang lalaki at babae sa isang open field na pa-spiral ang pattern.
Kalakip niyan ang caption na, “From this life into the next, we’re all just tryna make it through.”
Ngunit imbes na mapa-senti mode ay agaw-atensyon ang naging komento ng TV host-comedienne na si Vice Ganda.
Banat ni Meme Vice dahil tila hitsura ng katol ang image na ipinost ng aktres, “Wow parang may ie-endorse kang katol soon! Chozzzz! Love u!”
Baka Bet Mo: Vicki Belo first time makakita ng katol, Vice natawa: Kahit doktor sila may mga bagay na mas matalino tayo sa kanila
View this post on Instagram
Libo-libong netizens naman ang tawang-tawa sa sinabi ng komedyana at narito ang ilan sa mga komento nila:
“Ate Vice shutacca napatawa mo nanaman ako! [laughing face emoji].”
“Meme naman! Seryoso na rin dapat ako e, tawang-tawa ako HAHAHAHA”
“Kahit ata katol yung endorse ni nadine estetik pa rin hahahahahaha”
May iilan ding nagsabi na mala-prenup vibes na raw ang ibinandera ng award-winning actress.
“Mama bakit parang ikakasal ka na [holding back tears emoji].”
“hala akala ko engagement na, pero no pressure sa inyo! Hahaha”
“IKAKASAL NA BA SI BEH? Chos”
Kung matatandaan, nakapanayam ni Boy Abunda si Nadine noong July 2022 tungkol sa naging simula ng love story nila ng Filipino-French entrepreneur na si Christophe Bariou.
“I have friends who have been living in Siargao for a while now. So in July last year, two of my friends and I ended up going to Siargao just for a vacation. Medyo maluwag na nung time na ‘yun so we were able to fly out,” kwento niya.
Patuloy ng aktres, “We stayed in another place but one of my good friends kasi is working for him. So she asked him if we can go to his spot because there’s a secret beach there where there’s no one there most of the time and it’s really peaceful.”
“‘Yun ‘yung kung saan nagmi-meet ‘yung ilog tsaka ‘yung dagat. So she asked him if we could go but we ended up just swimming in his pool. That’s pretty much it,” pagbabahagi pa ng dalaga.
At sa tanong ni Tito Boy kung ano ang feeling ni Christophe na magkaroon ng dyowang artista, “He is comfortable. Well, he’s getting used to it at least. I think he understands that it’s something that he cannot escape. You know, it’s part of it. So he’s okay with it.”
Noong January 2022 nang unang isinapubliko ni Nadine ang relasyon nila ni Christophe.
Related Chika:
Cristy Fermin kay Vice: Huwag kang balat-sibuyas kung kasing-kapal ng repolyo ang mukha mo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.