PUMALAG ang bokalista ng bandang Parokya Ni Edgar na si Chito Miranda laban sa mga nangba-bash sa kanyang asawang si Neri Miranda dahil sa inilabas nitong meal plan.
Sa pamamagitan ng isang Instagram post ay ipinahayag ng bokalista ang kanyang saloobin hinggil sa hindi makatarungang pambabatikos sa kanyang asawa dahil lang sa nais nitong makatulong.
Inamin ni Chito na kulang ang ibinahaging impormasyon ni Neri sa kanyang viral weekly meal plan na may budget na P1,000 ngunit nais lang naman ng kanyang asawa na magbigay tips para makatipid ang kapwa mommies nito.
“A few weeks ago, Neri came up with a weekly meal plan, for a family of 2-4, working with a budget of only P2k. It was mostly for fun, but she also thought that it can be useful for those who might want to use it as a guide.
“Soon after, she told me that she wanted to make another meal plan, but this time, she’ll try to keep it under P1k. Soon enough, she was able to come up with one, and kahit madaling araw na, she eagerly shared it with her followers (and again, madaming natuwa at nagpasalamat)” pagbabahagi ni Chito.
At dahil nga late na nang matapos ni Neri ang kanyang nagawang meal plan ay hindi na niya naipaliwanag kung paano naging P1,000 ang budget niya sa naturang meal plan.
Baka Bet Mo: Neri Miranda pumalag matapos okrayin ang weekly meal plan: ‘Binigyan na nga kayo ng sample at idea…’
“Since it was intended for those who already knew what she was doing, she made the crucial mistake of not filling in the details. It was soon picked up by those who knew nothing of what she was doing, and was instantly bashed for it,” sey pa ni Chito.
Giit pa niya, layunin lang naman ng asawa niya na may matulungan ngunit pambabatikos pa ang natanggap nito.
“Grabe diba? Naisip lang naman ng asawa ko na baka sakaling makatulong yung meal plan nya sa mga tao that might find it useful, na-bash pa sya ng mga taong hindi naman nakasubaybay kung bakit ginagawa nya yung meal plan. [broken heart emoji],” sabi pa ni Chito.
Sinabi rin niya na sa ngayon ay deleted na ang post ng asawa at aayusin muna niya itong mabuti. ”Di bale…dinelete nya na po yung post nya, and she will make it more detailed for those who do not fully understand what she was doing,” ani Chito.
Sabi pa niya, “What a cruel, cruel world.”
Makikita rin sa post ni Chito ang comment ng isang netizen kung saan sinabi nitong posible ang P1,000 budget kung may tanim na gulay ngunit kung bibilhin ang lahat sa palengke ay maaaring umabot sa P1,500 ang total ng nasa meal plan.
“Anyway, for those who knew what Neri was doing, ayusin nya lang daw muna yung details para mas maging helpful yung guide nya.
“For those who got angry and threw stones without knowing the details of what she was doing, good job sa inyo…your comments say more about your character than the person you are commenting on. Peace and good vibes to you too,” hirit pa ni Chito.