James Reid ‘very in love’, super happy sa piling ni Issa Pressman: ‘She lights up my day, she inspires me’

MATAPOS kumpirmahin ang real score nila noong Marso, aminado ang actor-singer at Careless PH founder na si James Reid na in love na in love siya sa kanyang partner na singer-model na si Issa Pressman.

Tila hindi mapaghiwalay at sweet na sweet ang celebrity couple sa naganap na black carpet ng Preview Ball 2023 kamakailan lang at diyan nila sinagot ang ilang mga katanungan ng entertainment press patungkol sa kanilang relasyon.

“There’s no better way to say it. I’m very in love. I’m very happy,” pag-amin ni James sa reporters.

Ani pa niya, “The best part about tonight’s that I’m here with Issa.”

Para naman kay Issa, ang pinakamaganda sa kanilang relasyon ay all-out support sila sa isa’t-isa.

“I have my strengths, he has his, so we just help each other… He’s sweet, he’s very caring,” sey ni Issa.

Patuloy niya, “I would say honestly, because he has Careless under his name, some people would think that he’s careless, but honestly, he’s very caring.”

Baka Bet Mo: Bakasyon nina James Reid at Issa Pressman sa Palawan umani ng iba’t ibang reaksyon mula sa netizens, damay na naman si Nadine

“He saves all of his time for his family and people he actually really cares about,” dagdag niya.

“He’s like a glue to everyone in the office, to his family, and the way that I hear him talk to each member [of Careless] is unbelievable. He has so much love,” aniya pa.

Lalo pang nagpakilig si James nang sinabi niya na nagbibigay-liwanag sa kanyang araw si Issa.

Kasunod niyan ay inamin din niya na ang personalidad at ugali ng singer-model ang hinahanap niya sa isang partner.

“I like to describe Issa as sunshine. That’s how she feels [to me],” sambit ng aktor.

Saad pa niya, “She lights up my day. She inspires me. She’s an incredibly inspiring person, she’s very strong, and I love her values in life.”

“It’s something that I really look for in a partner,” ayon kay James habang nakangiti.

Tinanong din ang dalawa kung posible bang magkatambal sila sa isang pelikula in the future.

Sagot ni Issa habang tumatawa, “I haven’t done acting in a while actually. We haven’t talked about that yet.”

“We just want to live [in the moment] with each other, getting to know each other on a deeper level than before,” pag-amin niya.

Kung matatandaan, March 17 nang kinumpirma ni James sa isang statement ang tunay na relasyon nila ni Issa.

Dito rin sinagot ng aktor ang mga natatanggap na pambabatikos sa social media matapos ang pag-upload ni Issa ng larawan kung saan makikitang magka-holding hands sila.

Marami kasi sa mga fans ng JaDine ang gigil na gigil sa dalawa dahil tila may katotohanan raw ang isyu noong 2020 na may kinalaman ang nakababatang kapatid ni Yassi Pressman sa paghihiwalay nila ng dating on-screen partner at ex-girlfriend na si Nadine Lustre.

Ayon kay James, walang katotohanan ang mga paratang na ibinabato ng madlang pipol kay Issa mula pa noon na isa itong “ahas,” “mang-aagaw,” at “third party.”

“I’m only gonna say this once. The past rumors about Issa are just that, rumors,” panimula ni James.

Aniya, ayaw sana niyang magsalita o i-address ang kasalukuyang isyu ngunit kinakailangan raw niya itong gawin.

Matatandaang noong January 2020 nang aminin nina Nadine at James na tuluyan na silang naghiwalay matapos ang halos apat na taong mag-dyowa.