PHOTO: Instagram/@liereposposaofc
MUKHANG maayos naman ang relasyon ng dating “Pinoy Big Brother” teen housemate na si Lie Reposposa sa kanyang British boyfriend na si Paul Joshua Marsden.
Magkasama na kasi ulit ang dalawa sa kabila ng kumakalat na “cheating issue” ng aktres.
Sa latest Instagram post ni Lie, ibinandera niya ang sweet photo nila ng long distance relationship na boyfriend.
May video rin na kung saan makikita ang kanyang pagsundo sa airport.
“Finally after 6 months [holding back tears, heart hands emojis],” caption niya sa post.
Baka Bet Mo: Lie Reposposa hirap mag-English kapag kausap ang dyowang afam: Palaban ako sa Google translate!
Magugunita nitong buwan lang ng Agosto nang mag-viral ang isang video kung saan makikitang diumano’y nagkikipaghalikan ang isang dalaga sa isang foreigner sa isang bar sa Poblacion, Makati.
Medyo malabo ang nasabing video, pero marami ang naniniwala na ang babae ay si Lie, habang ang lalake ay hindi ‘yung boyfriend niya.
May iilan ding nagsabi na malabo masyado ang video kaya hindi masigurado kung totoong ang dating PBB housemate ang nasa video.
Samantala, noong Abril naman nang pinabulaanan ni Lie na engaged na siya sa dyowang afam.
Paglilinaw niya, ang ibinigay sa kanya ni Paul ay isang “promise ring” lamang.
Kung matatandaan, taong 2019 nang sumali si Lie sa reality series na “PBB” na kung saan ay itinanghal siyang sixth place.
Kasunod niyan ay naglabas siya ng kanyang debut single na may titulong “Sana Sana.”
Bukod diyan ay sumali rin siya sa “Tawag ng Tanghalan,” ang singing contest segment ng noontime show na “It’s Showtime.”
Related Chika: