Heart Evangelista nag-renew ng kontrata sa GMA, bibigyan nga ba ng sariling show?
PHOTO: Instagram/@sparklegmaartistcenter
NANANATILING Kapuso ang fashion icon at socialite na si Heart Evangelista.
Ito ay matapos siyang mag-renew ng kontrata sa Sparkle GMA Artist Center na naganap sa The Westin Manila Sonata Place sa Ortigas, Mandaluyong City noong August 17.
Makikita sa Instagram page ng talent agency na ilan lamang sa mga big boss na present sa contract signing event ay sina GMA senior vice president Annette Gozon-Valdes, Sparkle vice president Ms. Joy Marcelo, at consultant na si Johnny Manahan.
“The HEART of Sparkle [sparkle emoji] Fashion Icon Heart Evangelista renews her ties with Sparkle GMA Artist Center [blushing emoji],” anunsyo sa post.
Saad pa sa caption, “It is with great excitement that we await Heart’s next adventure – we know she will conquer it with flying colors!”
Baka Bet Mo: Heart Evangelista nais ma-normalize ang ‘occasional crying’, paalala niya: ‘perfection is not of this world’
View this post on Instagram
Wala pang detalye kung ano-ano ang mga proyekto na nakahain para sa fashion icon, pero ayon sa Kapuso entertainment reporter na si Nelson Canlas ay magkakaroon ng show si Heart.
“Heart Evangelista renews management contract with Sparkle GMA Artist Center. Aside from her international projects, Heart plans to do more shows with the Kapuso Network that touches on things that are close to her heart,” sey ni Nelson sa kanyang IG post kalakip ang ilang pictures na na-interview niya ito sa nasabing event.
View this post on Instagram
Kamakailan lang ay naging hot topic ng mga Marites sa social media ang pagre-resign ng kanyang makeup artist na si Justin Louise Soriano at ng dati niyang hair stylist na si Jeck Aguilar.
Hindi pa sinasabi ng aktres kung ano ang tunay na dahilan ng pagre-resign ng dalawa bilang bahagi ng kanyang glam team, ngunit mukhang malalim nga ang pinag-ugatan nito.
Sey ni Heart sa naging interview with “24 Oras,” “Life is like that. Madami tayong pagdadaanan with our careers, with our personal life.”
“But everything’s for a reason, and everything is for us to be stronger so we can face anything else in life. So, I am very happy,” dagdag pa niya.
Samantala, ilan lamang sa mga sikat niyang proyekto ay ang “Mulawin vs. Ravena,” “Panday,” “I Left My Heart in Sorsogon,” pati na rin ang mga pelikulang “Temptation Island” at “Trophy Wife.
Related Chika:
Kris Bernal: Love is not cancelled despite our weddings being postponed!
Paris Hilton proud maging ‘mommy’, nakapiling na ang kanyang baby boy
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.