Ricci Rivero at Andrea Brillantes
FEELING naka-jackpot na naman ang Kapamilya actress na si Andrea Brillantes dahil muli siyang napansin ng BLACKPINK member na si Rosé.
Special mention uli si Andrea sa pa-livestream ng South Korean idol kahapon, August 8, kaya abot-langit na naman ang kilig at kaligayahan ng dalaga.
Nag-comment kasi si Andrea sa nasabing livestream, na ang pinaka-favorite niyang memory ay nang mapansin siya nina Rosé at Lisa sa ginawa niyang “promposal” noon sa ex-dyowang si Ricci Rivero para sa Star Magical Prom noong March 30, 2023.
“My fave memory was when you noticed me for my promposal hahahahahahaha,” ang hirit ni Andrea.
“Well I noticed you for your proposal, oh it was you? She was in somewhere in Southeast Asia … I do remember,” sagot naman sa kanya ni Rosé.
Sagot sa kanya ng young actress, “WE BROKE UP NOW.”
Shookt siyempre ang member ng BLACKPINK pero laugh na lang siya nang malaman ang paghihiwalay nina Andrea at Ricci, “No, I’ll pretend I didn’t see that.”
Kasunod nito, nag-trending sa X (dating Twitter) ang “Andrea,” “Blythe,” at “WE BROKE UP NOW”. Talagang pinag-usapan ng mga fans ng BLACKPINK ang naging comment ng Kapamilya star.
Baka Bet Mo: Ricci Rivero ‘to the rescue’ kay Andrea after ng ‘promposal issue’: Lahat tayo gustong magpapansin sa idols natin
Kung matatandaan, magkasamang nanood sina Andrea at Ricci ng “Born Pink” concert ng BLACKPINK last March 26. Dito, biglang nagtaas ng placard si Andrea na agad namang nakita nina Rosé at Lisa.
Ang nakasulat sa placard ay, “I just wanna ask Ricci Rivero, will you go to prom with Andrea?”
Sey naman ni Rose, “Please go to prom with that girl.” Na sinagot naman ni Ricci ng, “Yes!” sabay kiss sa noon ng Andrea na sinundan ng hiyawan ay palakpakan ng mga taong nasa loob ng Philippine Arena.
At makalipas lamang ang ilang buwan, inamin ni Ricci na hiwalay na sila ni Andrea, “I own up to the mistake of not making my relationship status public because I felt there’s no need to add up to what were going through.
“Please respect our decision to keep it to ourselves so that we can preserve whats left of our friendship.
“I hope let’s stop creating your own versions and dragging other characters into these false accusations.
“I am sorry for whatever disappoinments it may have caused you – for everyone’s peace of mind, please allow ourselves to heal and move on peacefully without hate and pain,” ang pag-amin pa ni Ricci.
BLACKPINK Rose hindi rin pinatawad ng COVID-19, nagpositibo kahit bakunado na