Jericho Rosales, Carmen Soo muling nagkita after 15 years: ‘Catch up during my last trip to Manila’
Jericho Rosales, Carmen Soo
MAKALIPAS ang 15 years, nagkaroon ng reunion ang Malaysian actress na si Carmen Soo at ang dati niyang leading man na si Jericho Rosales.
Sa Instagram, masayang ibinandera ni Carmen ang ilang kwelang pictures nila together bilang patunay na nanatili silang magkaibigan sa mahabang panahon.
Ayon pa sa kanya, nakasama niya ang aktor sa kanyang “last trip to Manila.”
Nasa bansa ngayon ang aktres dahil siya ay naging guest star sa teleserye ng ABS-CBN na “The Iron Heart.”
Kung maaalala, taong 2008 nang magtambal ang dating love team sa teleseryeng “Kahit Isang Saglit,” ang primetime bida na ipinalabas rin sa Malaysia at Singapore.
“Caught up with @jerichorosalesofficial and Tita @marinezelizalde during my last trip to Manila,” caption niya sa IG.
Dagdag pa niya, “We all need reading glasses now [laughing emoji] Yup, ‘Kahit Isang Saglit’ was 15 years ago.”
View this post on Instagram
Napa-comment naman diyan si Jericho at sinabing, “Reading your caption 15 inches away from my face [eyes emoji].”
Ang reply naman sa kanya ni Carmen, “Where is your glasses [disguised face emoji].”
Samantala, tila na-excite naman ang kanilang fans dahil sa kanilang pagsasama at inalala ang dating pagtatambal ng dalawa.
Narito ang ilan sa mga nabasa namin sa comment section:
“Remembering ‘Kahit Isang Saglit’ days. Even if I was only in high school at that time I was a fan then. [happy face with heart eyes emojis] Hope you can work together again soon [heart emojis].”
“Wow my idols..greatest drama Kahit Isang Saglit…Nice seeing you both with genuine friendship that lasted for many years.”
“Miss you guys! Hope you & echo will have a movie or teleserye so we can watch you here in California [happy face with heart eyes emoji].”
Si Carmen ay gaganap bilang Harmonia sa Kapamilya drama na “The Iron Heart.”
Nauna na siyang nagkaroon ng guestings sa “It’s Showtime,” “Wowowee,” at sa anthology series na “5 Star Specials” at “Your Song.”
Ang actress-model ay happily married sa entrepreneur na si Benson Tan at mayroon silang anak na si Bea.
Samantala, si Jericho naman ay nakatakdang magkaroon ng showbiz comeback sa international series na may titulong “Sellblock.”
Related Chika:
Jasmine napaiyak sa video message ng ina; Alden totoong ‘in love’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.