INAMIN ng social media personality na si Zeinab Harake na bukas siya sa co-parenting set up sa dati niyang partner na si Skusta Clee para sa kanilang anak na si Bia.
Sa kanyang naging panayam sa “Fast Talk with Boy Abunda” ay natanong siya ng King of Talk kung kumusta ba ang kanyang relasyon sa ama ng kanyang anak.
“For now po, wala po akong any connections sa kanya,” pag-amin ni Zeinab.
Ngunit sa kabila ng kawalang koneksyon sa dating partner ay sinabi nitong gagawin niya kung ano ang makabubuti para sa kanyang mga anak.
“Ako po ginagawa ko lang naman po kung ano po ‘yung makakabuti para sa mga anak ko. Dun ako mas nagfofocus ngayon kesa sa mga bad things na nangyari before,” dagdag pa ni Zeinab.
Aniya, bukas naman daw siya sa ideya ng co-parenting set up sa ama ng kanyang anak kapag maayos na ang lahat sa kanila.
“Dadating po siguro tayo sa time kapag talagang OK na, meron nang respeto sa ‘ming dalawa, tsaka magkakaron ng respeto para sa ‘ming lahat,” saad ni Zeinab.
Chika pa niya, basta raw kausapin siya nang maayos at basta naroon na ang respeto, ok na ok na siya.
“Bukas naman po ako basta po makikitaan ko ng… Tito Boy ako po talaga ‘yung napakalambot ng [puso] ko lalo na sa mga nakakagawa ng bad. Basta kausapin mo ako nang maayos, patunayan mo sa akin na nirerespeto mo ako, desisyon ko or anything, wala pong magiging problema. Pero kung pasunggab, mahihirapan tayo diyan,” lahad ni Zeinab.
Matatandaang April 2021 nang i-welcome nila nila ang kanilang anak na si Zebbiana o mas kilala bilang si Bia.
Ngunit noong May 2022 ay tuluyan na ngang inamin ni Zeinab na hiwalay na sila ni Skusta Clee dahil sa pagkakaroon nito ng ibang babae habang sila’y magkarelasyon.
Bukod pa rito, nakunan siya sa kanilang pangalawang anak na si Baby Moon dahil na rin sa stress na idinulot sa kanya habang pilit niyang inaayos ang kanilang relasyon noon.
Related Chika:
Bobby Ray Parks ‘to the rescue’ kay Zeinab Harake laban sa cheating issue: Never naging kabit ‘yung taong mahal ko!
Skusta Clee sa 2nd birthday ng anak na si Bia: Ginawa ko naman lahat