Xyriel Manabat, Judy Ann Santos
Ang gusto niya raw ay makilala at mapansin ang kanyang talento pagdating sa pag-arte.
Ito ang deretsahang sinabi ng aktres sa batikang journalist na si Bernadette Sembrano matapos ma-interview na ibinandera sa YouTube.
Tanong sa kanya ni Bernadette, “What kind of actress do you want to become?”
Ang sagot ni Xyriel, “Ayoko po ng actress lang by fame. Gusto ko pong actress dahil sa line of work, sa craft and sa performance ko po.”
Patuloy pa niya, “Ayoko po na mane-name lang ako na actress dahil lang sa kasikatan kaya ako actress. Gusto ko po ay by the way I act kaya ko po ako naging artista talaga.”
Kasunod niyan ay ibinahagi din ni Xyriel ang ilan sa mga nais pa niyang matutunan patungkol sa kanyang passion sa trabaho at buhay.
“Sa pag-arte, siguro po huwag ma-drain. ‘Yun po ang isa kong kailangan ma-master,” sey niya.
Baka Bet Mo: Xyriel Manabat sa mga malilisyosong netizens: ‘Binabastos po nila ako, sinasabi nila kamanyak-manyak daw…’
Dagdag pa niya, “Huwag magpatalo sa story, huwag akong magpapakain sa role, kailangang mas angat at mas kontrolado ko ‘yung role. Hindi ako ‘yung kokontrolin ng role.”
“Sa life naman po siguro stability. Gusto ko po maging financial, mentally, physically stable,” sambit pa niya.
Nang tanungin naman siya ng journalist kung sino ang iniidolo niyang artista.
Mabilis na binanggit ni Xyriel ang batikang aktres na si Judy Ann Santos.
“Judy Ann Santos po ever since! Siya lang po talaga ‘yung pinapanood namin ni mama. Tapos iba po ‘yung charm niya,” excited na sinabi niya.
Inalala pa nga ng aktres ‘yung mga panahon na nagkaroon ng guest appearance si Juday sa pinagbibidahan niyang teleserye na “100 Days to Heaven” noong 2011.
Kwento niya, “nag-guest po siya sa ‘100 Days to Heaven’ na hindi ko po alam.”
“Sinurprise po ako ng set, e parang restaurant po ‘yun, nagtago po ako sa ilalim ng lamesa kasi hindi ko alam kung paano ko siya babatiin, kung pwede ko ba siya i-hug, i-shake hands,” patuloy niya.
Ani pa niya, “Sobrang saya ko po ‘nun. Parang siya po ‘yung kapag pinatulo niyo ‘yung luha pataas, magagawa niya po. Ganun po ‘yung tingin ko sa kanya.”
Matatandaang nagsimula sa showbiz si Xyriel noong bata pa lamang at bumida sa mga Kapamilya teleserye gaya ng “Agua Bendita,” “100 Days to Heaven” at “Wildflower.”
Sa ngayon ay gumaganap siya bilang Tonet sa ABS-CBN TV series na “Dirty Linen.”
Related Chika: