Ang ginamit na tarpaulin ng ‘Batang Quiapo’ na may mukha ni Lovi Poe
NALOKA nang bonggang-bongga ang award-winning Kapamilya actress na si Lovi Poe nang makita ang banner na gagamitin para sa kanyang birthday celebration.
But wait, mga ka-BANDERA, hindi ito true to life ha! Ito kasi yung isa sa mga paandar na eksena sa Kapamilya series na “Batang Quiapo” na pinagbibidahan nga nina Lovi at Coco Martin.
Aliw na aliw si Lovi nang makita ang banner na ginamit para sa 18th birthday celebration ng kanyang karakter sa serye bilang si Mokang.
Sa kanyang Instagram account, ipinost pa ng actress-singer ang nasabing tarpaulin kung saan makikita ang mukha ni Mokang na parang pumanaw na sa halip na nagdiriwang ng kaarawan.
“Kuya @pingmedina, birthday ko kasi di ba? Bakit naman parang kukunin ako ni Lord nito? Sa langit ba debut ko? LOL,” ang caption ni Lovi sa kanyang IG post na ikinaloka rin ng kanyang fans at social media followers.
Baka Bet Mo: Lovi Poe ‘sinita’ ng dyowa nang mahuling sweet-sweetan kay Piolo Pascual
Sa nasabing episode ng “Batang Quiapo” naghahanda na si Mokang para sa kanyang debut kasama si Chicky (Toni Fowler). Pero magkakaroon na naman ng aberya sa kanyang party dahil kay Tanggol (Coco) at ng kanyang mga kaibigan.
Narito ang mga nakakaloka ring reaksyon ng mga IG followers ni Lovi. In fairness, pati mga kaibigan niya sa showbiz at napakomento rin nang makita ang parang lamay na birthday party ng karakter niya sa “Batang Quiapo.”
“Wait hahahahaha!” ang comment ng Kapuso actor na si Ken Chan.
“Maligayang 40th day Mokang!” ang pang-aasar naman ni Ping Medina.
Sey ni Aaron Domingo ng ABS-CBN Corporate Communication: “You’re in a better place na daw kasi.”
Napa-react din sa post ni Lovi ang kanyang boyfriend na si Monty Blencowe, sina Zsa Zsa Padilla, Lara Quigaman, Yasmien Kurdi, ang at iba pang celebrities.
Nariro ang iba pang comments ng fans.
“Ayan pala yung sinasabi ng kuya ni mokang na ‘kuha kona yung gusto mo tay’. what ahahaha!”
“Ses, nakikiramay. Kala ko naman debut mo yung aattendan ko. Bat naging ganire?”
“Akala ko may lamay buti binasa ko nakasulat, birthday pala.”
“Hahahaha Happy birthday Monica. hang galeng tlg ng kuya mo. para kanang nasa langit sa tarpaulin mona yan ahahha.”
“Naisip ko na Yan nung sinabi Ng tatay mu sa kuya mu na kailngan may parang lumilipad eh.”
“Parang celebration of life sa heaven. Ganyan din ang akala ko, nong hindi ko pa nakikita ang Happy birthday.”
Bakit maluha-luha si Denise Laurel habang pinupuri si Lovi Poe sa presscon ng ‘Flower Of Evil’?