KNOWS n’yo ba mga ka-BANDERA na maraming pagkakapareho ang Kapuso Primetime King na si Dingdong Dantes at ang actor-TV host na si Mikael Daez?
Well, aside sa pagiging gwapo, mabait na asawa, professional sa trabaho at magaling na artista, may ilan pa silang pagkakapareho when it comes sa kanilang personal life.
Nag-aral sa Ateneo sina Dingdong at Mikael, at parehong letter D ang simula ng kanilang surname.
Aside from this, mismong si Dingdong na rin ang nagbahagi sa kanyang Instagram account ng ilan pang fun facts about him and Mikael.
Ang caption ni Dong sa litrato nila ng kapwa Kapuso actor na ibinahagi niya sa IG, “In the GMA Multiverse, these two Mr. D’s played Carlos Miguel in ‘Sana Ay Ikaw Na Nga.’”
Bumida ang award-winning Kapuso actor sa nasabing serye noong 2001 habang si Mikael naman ang lead actor sa 2012 version nito.
Baka Bet Mo: Andi Eigenmann inalala ang hindi nakuhang ‘Marimar’ role, umaming humagulgol nang bonggang-bongga
Pagpapatuloy pa ni Dingdong sa kanyang IG post, “In real life, they also share the coincidence of marrying Marimars.” Sinundan pa niya ito ng winky-eyed emoji.
Sa mga hindi pa masyadong aware, amg asawa ni Dingdong na si Marian Rivera ang gumanap na Marimar noong 2007, habang si Miss World Megan Young naman ang nag-reprise ng nasabing iconic role noong 2015.
At ngayon nga ay magkakasama na sina Mikael at Dingdong sa upcoming Kapuso mystery-drama series na “Royal Blood” kung saan makakasama rin nila si Megan, Rhian Ramos, Rabiya Mateo at Tirso Cruz III.
Ang iba pang ka-join sa nasabing GMA series ay sina Dion Igancio, Lianne Valentin, Benjie Paras, Arthur Solinap at marami pang iba. Mula sa direksyon ni Dominic Zapata.
Related Chika:
Marian binalikan ang audition sa Marimar, reaksyon nang makita si Dingdong: Ano ba ‘yan, mukhang kambing naman ‘tong lalaking ‘to!?