Ang male candidate sa isang pageant na viral na ngayon
VIRAL at trending ang isang male pageant contestant dahil sa nakakalokang sagot niya sa final question and answer round.
Tawa rin kami nang tawa nang mapanood namin ang kanyang video na pinagpasa-pasahan na nga sa Facebook at naghahatid ngayon ng good vibes at laugh trip sa mga netizens.
In-upload ng FB user na si Lorenzo Benetiz ang halos mahigit isang minutong video na milyun-milyon na nga ang nakapanood at nakakuha na rin ng libu-libong comments at likes.
Ayon sa lalaki, dalawang beses na siyang sumali sa male pageant at iyon daw ang unang beses na nakapasok siya sa final round.
Ang tanong ng host sa naturang kandidata na ipinakilala lamang bilang Lakan #9, “Kailan nagiging tama ang mali, at kailan nagiging mali ang tama?”
Punumpuno naman ng confidence ang pagsagot niya sa tanong, “Para sa akin po ang tama at mali ay magkasalungat.
“Yung tama po ay palaging mga babae ta’s ang mali po ay laging mga lalaki. ‘Yun lamang po!” ang dagdag pa niyang sagot na ikinahalakhak ng audience habang napanganga naman ang host.
Bumuhos naman ang mga paandar at nakakaaliw na comments ng mga netizens sa nasabing viral video, na karamihan ay mga kababaihan sabay tag sa kanilang mga dyowa.
“Ang galing sumagot, natumbok mo at dahil dyan may jacket ka.”
“Tama nga naman. Aminin lang natin na mali tayo boys
Tama na ang mga babae.”
“Dumating na ang ating taga pag ligtas!”
“Straight to the point champion na!”
“Nakakaiyak yung tapang ng sagot ni kuya. Mabuhay ka po.”
“Natahimik yung emcee. Kung di ‘to nanalo, ****** nyo po.. yun ang tamang sagot!”
“Kapag yan natalo babae judge hahaha!”
“Kailan nagiging tama ang mali at nagiging mali ang tama? Kapag ang babae naging tama(mali yun)
Kapag ang lalake naging mali(tama yun).”
Yan ang ilan sa mga nabasa naming reaksyon ng mga netizens.
Bianca: Ang hirap maging magulang, nag-aalala ako sa mundo ng disinformation na kalalakihan nila