PHOTO: Facebook/Miss Everything
PINALAGAN ng social media personality na si Ericka Camata o mas kilala bilang si “Miss Everything” ang isang epal na basher.
Sa isang Facebook post, ibinandera ng internet sensation ang screenshot ng pang-ookray sa kanyang English skills.
Caption pa ni Miss Everything sa nasabing post, “Your so very interrogative and most superlative person who messaged me like that daradat dat daradaaaaat. black piiiiiink”
Makikita sa nasabing screenshot na nag-reply ang basher sa isang automated welcome message ng kanyang Facebook page at ang malala pa ay nakuha pa nitong murahin si Miss Everything.
“Excuse me. I am not part. We are better English speakers than you do. F*ck off,” sey ng basher.
At kung akala nito ay maaapektuhan ng kanyang salita si Miss Everything, aba, nagkakamali ang basher dahil pinagtripan pa siya nito at ginawang katatawanan ang naging reply.
Sagot ng internet sensation sa kanya, “You should f*ck off this is my page and property if you don’t want my English please come in and sit down you rocking the boat.”
Libo-libong netizens naman ang natawa sa FB post ni Miss Everything at ipinakita ang kanilang suporta.
Narito ang ilan sa mga kwelang comments:
“Go Ms. Everything!!! I’m side by your right!”
“Spread your wings and flying miss everything [laughing emoji]”
“Miss everything is fighting for fighter LEZGOOO!!”
Matatandaang sumikat si Miss Everything dahil sa kanyang “low budget” videos dahil sa sarili niyang lyrics at mali-maling English na sinasabi niya sa mga viral songs sa TikTok.
Tinawag siyang Miss Everything dahil sa viral video niya kung saan sumikat ang dialogue niyang, “Hi Everything, how are you to find out?”
Related chika:
Bagong itsura ni Miss Everything viral na: ‘You look stunning in your new transformer!’