PHOTO: Instagram/@brucewillisbw
MATINDI ang pinagdadaanan ngayon ng sikat na Hollywood actor na si Bruce Willis pagdating sa kanyang kalusugan.
‘Yan ay matapos ang pagreretiro niya sa showbiz and entertainment industry noong Marso ng nakaraang taon.
Inanunsyo ng kanyang pamilya na na-diagnosed siya ng tinatawag na “Frontotemporal dementia (FTD),” isang uri ng dementia na kung saan ay apektado ang bahagi ng utak na may kinalaman sa personalidad, pag-uugali at wika.
“Since we announced Bruce’s diagnosis of aphasia in spring 2022, Bruce’s condition has progressed and we now have a more specific diagnosis: frontotemporal dementia,” saad sa pahayag na inilabas ng pamilya ni Bruce.
Nabanggit din sa family statement na isa sa mga sintomas na nararanasan ng aktor ay hirap ito sa pakikipag-ugnayan o pakikipag-usap.
“Unfortunately, challenges with communication are just one symptom of the disease Bruce faces,” sabi ng pamilya.
Anila, “Today there are no treatments for the disease, a reality that we hope can change in the years ahead.
Matatandaang noong nakaraang taon ay nagdesisyon nang hindi na gumawa ng pelikula si Bruce dahil hirap na ito magsalita dulot ng sakit na Aphasia.
Nagsimulang sumikat ang Hollywood actor matapos pagbidahan ang TV series na “Moonlighting” na ipinalabas noong dekada otsenta.
Dahil sa galing at talento niya sa pag-arte ay nakapag-uwi na siya ng Golden Globe award at dalawang Emmys.
Related chika:
Bruce Willis magreretiro na sa pag-acting, na-diagnose ng ‘aphasia’