FINALLY ay engaged na ang Miss Universe 2018 na si Catriona Gray sa kanyang boyfriend na si Sam Milby.
Ito ay ni-reveal niya sa kanyang Instagram account ngayong araw, February 16.
“Living in an answered prayer with my best friend. I love you, fiancè (eeeeee) ,” saad ni Catriona sa kanyang caption.
Kapansin-pansin sa larawang ibinandera ng beauty queen ang kanyang suot na engagement ring at ang nakasulat sa kanyang coffee na “future Mrs. Milby”.
Hindi naman nagpahuli si Sam at ibinahagi rin ang kaparehong larawan na may short pero ubod ng sweet na mensahe kay Catriona.
“I (FINALLY) put a ring on it! I love you my forever koala… now my fiancé,” saad ni Sam.
Makikita naman sa comment section na talagang masayang-masaya ang mga kaibigan nina Catriona at Sam sa bagong chapter na tatahakin nila nang magkasama.
“Omg!!! Congratulations @catriona_gray. Another crown from us @evapatalinjug I cannot! LOVELOVELOVE,” saad ni Samantha Bernardo.
Comment naman ni Katarina Rodriguez, “Wahhhh congrats!! I remember talking about this at the Mega event. So happy for you both!”
Matatandaang kumalat noong Disyembre ang balitang engaged na ang dalawa dahil sa naging cryptic post noong nakaraang taon ni Catriona being “at her happiest” ngunit pinabulaanan ito ni Sam.
“Not true. Hindi pa kami kasal. Assumptions lang ng mga tao. I mean, we’ve discussed it pero hanggang doon lang muna. You guys will know naman if it happens. Hindi naming itatago,” pagbabahagi ng aktor.
At ngayon nga’y ibinandera na ni Catriona at Sam na engaged na sila at road to pagpapakasal na.
2020 nang kumpirmahin ng dalawa na sila’y magkasintahan nang mag-post si Sam ng isang polaroid photo nilang dalawa sa kanyang Instagram account.
Related Chika:
Sam Milby excited nang pakasal at magka-baby kay Catriona Gray: Hintayin n’yo lang, masu-surprise rin kayo!
Catriona nagselos ba pasabog na love scene nina Sam at Ivana sa ‘A Family Affair’?
Hugot ni Catriona ngayong b-day ni Sam: So sad I can’t be with you today