Gil Cuerva at Lexi Gonzales
TINUPAD ng GMA 7 ang wish ng celebrity couple na sina Lexi Gonzales ar Gil Cuerva — yan ay ang magkasama sila sa isang project.
Magkatambal ngayon ang dalawa sa Kapuso afternoon series na “Underage” at in fairness, talagang araw-araw silang inaabangan ng mga manonood lalo na ng kanilang mga fans na kinikilig kapag magkasama sila.
Pahayag ni Lexi nang kumustahin ang estado ng relasyon nila ngayon ni Gil, “Hindi na siya nanliligaw ngayon. He’s on a higher level now.”
Yes, mukhang sinagot na nga ng young actress ang Kapuso hunk matapos ang ilang buwang panliligaw at panunuyo sa kanya.
Anu-ano nga ba ang mga qualities ni Gil na nagustuhan niya? “Kasi persistent siya. Not the type who’d give up that easily. Di ba women usually say no, ayoko, but deep inside, gusto naman pala.
“Si Gil, he won’t just stop. Masugid siyang manligaw. Hindi siya titigil hangga’t hindi niya nakukuha ‘yung gusto niya,” pahayag ng StarStruck First Princess.
Paglalarawan pa niya sa binata, “Totoong tao siya. He’s genuine. He’s smart and I can see he cares as he really takes the extra effort to guide me kasi I’m younger than him.
“He’s 27 and I’m 22. We’re also trying our best to have good communication,” chika pa ng dalaga.
“Hindi na puwede ‘yung kunwari ayoko, pero gusto naman pala. If you mean yes, then you say yes, para no misunderstanding at all.
“Gil is trustworthy and someone I can really depend on. I’ve proven this during our lock in taping for ‘Underage’ where he showed me that he’s really very caring,” chika pa ni Lexi about her boyfriend.
Samantala, natanong din si Lexi kung kumusta ang working relationship niya sa dalawa pang bida ng “Underage” na sina Elijah Alejo at Hailey Mendes.
“Naging parang sisters talaga kami,” says Lexi. “Nakatulong ‘yung acting workshops namin even before taping started for us to get to know each other better.
“Naging maganda talaga ang samahan namin and we opened up to each other. Tapos, during the lock in taping, siempre, lagi kaming magkakasama sa set, so we became even closer,” sagot ni Lexi.
Ayon sa dalaga, iba ang bagong version ng “Underage” sa 1980 Regal Films movie na pinagbidaham nina Dina Bonnevie, Maricel Soriano at Snooky Serna.
“Dito, it will turn out we only have the same mother, si Tita Sunshine Cruz, but iba-iba ang fathers namin, sina Christian Vasquez, Jome Silayan and Smokey Manaloto.
“Also, the story has been updated and we even show the pros and cons of social media kasi sa story, si Elijah, merong video na hindi namin alam kinukunan pala siya while we’re bathing sa ilog then it was uploaded and went viral.
“Mas relatable ito even for millennial and Gen Z viewers. Very valid din ang message about the importance of having your own family na matutulungan ka anumang pagsubok ang harapin mo sa buhay,” aniya pa.
‘Underage’ star Lexi Gonzales napaiyak dahil sa nangyayari ngayon sa kapatid na may special needs
2 scholar ni Alden naka-graduate na sa college; magko-concert para sa mga batang gustong mag-aral
Maxene tinawag na astig, totoong tao si Charlie; Lexi super happy sa piling ni Gil