Dingdong Dantes at Kim Atienza
PINATUNAYAN ng Kapuso Primetime King na si Dingdong Dantes kay Kim Atienza na isa siyang tunay at maaasahang kaibigan.
Isa si Dong sa mga pasorpresa ng programang “TiktoClock” ng GMA 7 sa 56th birthday celebration ni Kuya Kim na umere nitong nagdaang Martes, January 24.
In fairness, hindi lang basta bumati ang award-winning actor kay Kuya Kim kundi pumayag pa itong maging guest co-host at player sa mga nakakaaliw at nakakalokang segments ng “TiktoClock.”
“Kuya Kim, ikaw ang kuya talaga para sa akin hindi lang sa industriyang ito kung hindi pati sa ibang larangan ng buhay.
“Kaya sobrang happy ko at sobrang masuwerte ko na nandiyan ka para sa akin,” mensahe ni Dong sa kanyang kumpare at kaibigan.
“Kuya Kim hindi ko na matiis kaya gusto ko nang batiin ka nang personal. Happy happy birthday!” dugtong pa niya.
Reaksyon naman ni Kuya Kim, “Si Dong ang ninong ko po dito sa GMA. Thank you so much.
“Isang malaking honor na maging kaibigan mo at maging kumpare mo, Dong,” sey ng TV host.
“Si Dong po ay ilang taon ko nang kaibigan, kumpare ko pa, at kasama ko pa hindi lamang sa telebisyon kung hindi sa lahat ng aspeto ng buhay,” dugtong pa niya.
Sabi pa ni Kuya Kim, wala na raw siyang mahihiling pa para sa kaarawan niya, “Sa birthday ko na ito, wala akong wish. I have nothing but gratitude in my heart sa lahat ng mga blessings na ibinibigay sa akin ni Lord.
“Ang gusto ko lang ay magpatuloy sana at itong mga blessings sa akin may it overflow to others as well.
“It has been one of the most complete. Maraming maraming salamat sa lahat ng staff and all those behind TiktoClock,” lahad pa ni Kim Atienza.
Kuya Kim may swabeng hirit kay Ogie Diaz; bawal ikampanya ang ama sa Eleksyon 2022
Kuya Kim kinontra ang paratang ng bashers na inokray niya ang ‘Showtime’
Dingdong Dantes may pa-tribute sa mga nanay, palihim na inendorso si Leni Robredo?