Lee O’Brian at Pokwang
SINAGOT ng Kapuso TV host-comedian na si Pokwang ang isang netizen na umaasa pa ring magkakabalikan sila ng ex-partner na si Lee O’Brian.
Sa naging reaksyon dito ng komedyana ay mukhang wala na ngang pag-asa na magkaroon ng “second chance” ang kanilang naunsyaming love story.
Komento ng mga netizens, hanggang sa co-parenting agreement na lang daw talaga ang relasyon nina Pokwang at Lee at imposible na ang balikan scene.
Kamakalawa, January 9, nagbahagi ang ex dyowa ni Pokey ng kanyang litrato sa Instagram kasama ang anak nila ni Pokwang na si Malia. Kuha ito habang nanonood sila ng Disney in Concert sa Solaire Resort, Parañaque City.
Ang nakalagay sa caption, “Had a fun time on our Date Night to see The Disney In Concert show at Solaire.
“Miss Malia had a blast!! And they played all the hits!!” aniya pa gamit ang mga hashtag na #DaddyDaughterNight, #DisneyInConcert at #MissMalia.
Sa comments section ng IG post ni Lee ay may netizen nga ang nagsabing umaasa pa rin siya na magkakabalikan ang dating live-in partners.
“Wish you n pokwang will get together soon again, why don’t you marry her maybe that’s what she’s waiting for,” chika ng netizen.
Hindi naka-tag si Pokwang sa post ni Lee pero nabasa pa rin niya ang naturang komento. Ang maikli ngunit makahulugang sagot ni Pokwang, “(zany face emojis) ngek!”
Isang birong tugon pero ang interpretasyon ng mga followers nina Pokwang at Lee ay hindi na talaga makikipagbalikan ang komedyana sa Amerikanong aktor.
Tulad ng naging pahayag noon ni Pokwang, mas pagtutuunan na lamang nila ni Lee ang pagpapalaki at pag-aalaga kay Malia.
Matatandaang noong September 29, 2022 ay muling nagkasama ang ex couple sa 47th birthday ni Lee, patunay na nananatili pa rin silang magkaibigan sa kabila ng kanilang paghihiwalay.
November, 2021 pa naghiwalay sina Pokwang at Lee pero last year lang nila inamin sa publiko ang tunay na estado ng kanilang relasyon.
Pakiusap ni Pokwang sa haters: Sana maunawaan n’yo, nanay din po ako at maraming umaasa sa akin
#TrueBa: Panganay na anak ni Pokwang na si Ria Mae, buntis nga ba?
Pokwang nawindang sa mga ‘madaling makalimot’, bilib sa mga taong pinapahalagahan ang boto