Krissy Achino
BAGO sumapit ang Bagong Taon, nabiktima pa ng sindikato sa social media ang pamilya ng internet sensation at vlogger na si Krissy Achino.
Masamang-masama ang loob ng komedyante at YouTuber matapos maisahan ng ilang taong walang ginawa sa buhay kundi ang manloko ng kanilang kapwa.
Kuwento ng impersonator ni Kris Aquino, ang dapat sana’y masayang pagsalubong nila sa Bagong Taon sa Tagaytay ay naging malabangungot dahik sa online booking scam.
Nag-post si Krissy sa kanyang Facebook account tungkol sa panggogoyo umano sa kanila ng “Martha Royal Estate” na isang online booking site.
“GRABE! WALA NA TALAGA SILANG PINIPILI! (Warning: Long Post Ahead…),” ang simulang pagsusumbong ni Krissy.
“Share ko lang what happened to us JUST NOW. So every year, gaya ng karamihan ng mga pamilya, nagb’book kami ng place where we can celebrate Christmas & New Year. But since may inflation, New Year lang ang kaya naming i-staycation.
“Last Christmas, sa apartment ko lang kami nag-celebrate ng Noche Buena. And today, sa Tagaytay namin napili mag-New Year’s Eve.
“Last December 17, naghanap ‘yung ate ko ng place where we can stay from December 31-January 1. She checked Booking.com and saw ‘Martha Royal Estate’.
“Maganda ‘yung place—malinis ang mga rooms (based sa mga photos posted on their FB Page), may towels, may ‘heated’ pool, spacious ang lugar, may lutuan, at pwede ang mga aso.
“My sister tried to message them directly sa Facebook Page nila, for easier and faster communication. Responsive naman sila and very accommodating sa mga questions namin.
“So to confirm our reservation, they asked for a 50% Deposit. Our villa costs ₱10,000 pero if fully paid at ise-settle ng buo, less 1K. So we grabbed that deal. We transferred ₱5,000 + ₱4,000 (see photos for reference) to a certain SHERYL FAJARDO via Asia United Bank & Maya Bank, respectively, para ma-complete ‘yung payment.
“Later on, nag-message ulit sila last December 27 asking we need water sa villa. They can order it na raw for us in advance. So nag-transfer ulit si ate ng ₱220 via GCash. And then lastly, they messaged last Wednesday, asking if we want to extend until January 2.
“May nag-cancel daw kasi so they can offer us the villa for half the price, at ₱4,000. Syempre, kinuha na rin namin para mas maraming time together with the family. Sinusulit na namin kasi occasions like this lang kami nakukumpleto,” lahad ng comedian.
Patuloy pa niya, “Smooth naman ang transactions namin. Pag may mga questions kami, in no time, may reply agad sila. NOT UNTIL they received the last payment, which is ‘yung 4K, last December 28.
“Hindi na nila sinasagot si ate, nor mga tawag namin sa mga numbers na binigay nila sa’min. Last night, we wanted sana to get the exact address, ‘cos sa Waze, ‘yung Martha Royale Estate ay isang village.
“Inisip na lang namin na maybe it’s too late na to get a response from them, kaya pinagpabukas na lang namin. Come this morning, wala pa ring reply.
“So we decided to go straight to the village na lang to look for it ourselves. Pagdating namin doon, hinanap namin sa guard ’yung address na registered sa Booking.com, which is ‘Block 10 Lot 27.’
“And nu’ng narinig ng guard, ang sabi niya sa amin ‘Mam wala pong ganong address dito… mukhang na-scam din po kayo dahil marami na rin pong nagpunta dito na hinahanap ‘yung address na ‘yan… hanggang Block 3 lang po dito.’
“Nanlumo kami because we were SCAMMED. We’re looking forward to celebrate this NYE pa naman ng maayos at matiwasay. According to the village guard, ilang tao ang pumunta last Christmas, only to find out na they were also scammed.
“‘Yung ilan sa kanila, between ₱25,000 to ₱30,000 ang na-deposit. Nakakainis lang, na nakakaiyak. Wala na talagang pinipiling araw at panahon ang mga SCAMMERS,” pababahagi pa ni Krissy sa kanilang mapait na karanasan.
Kaya naman paalala ng komedyante, “So guys, let us all be vigilant sa mga ginagawa nating dealings & transactions online. Hope this serves as a reminder for all of us.
“And hopefully, may makatulong sa amin na mahanap ang mga taong nasa likod ng panlolokong ito—PARA HINDI NA RIN SILA MAKAPANGLOKO NG IBA!!!
“Sabi nga nila, Karma is Digital. I don’t want to wish them bad, pero ang Diyos na ang bahala sa kanila. Hayst… Happy New Year everyone!!!” mensahs pa ni Krissy Achino.
Bitoy, kasambahay nabiktima ng online scammer: Kapag hindi n’yo in-order, just say no!