BAGO matapos ang taong 2022 ay ibinandera ng fashion and beauty online resource na Preview Magazine ang napili nilang top 10 “Most Stylish Personalities.”
Nangunguna sa listahan ang Kapuso Primetime Queen na si Marian Rivera.
Ibinida ng nasabing magazine ang pagiging “statement of grace and elegance” ni Marian sa lahat ng mga sinusuot niyang damit sa lahat ng okasyon.
Sey ng magazine, “Whether it’s for a casual event or for a formal occasion, whether she’s donning the latest from international maisons or from proudly Filipino ateliers, she always makes a statement of grace and elegance in her outfit of choice.”
Sumunod kay Marian ay ang beauty queen-actress na si Kylie Verzosa na ayon sa fashion magazine ay isang “true-blue fashion girl.”
Pinuri ng Preview si Kylie sa pagiging authentic pagdating sa kanyang personal style na kahit ang sikat na socialite na si Paris Hilton ay napapa-comment sa ipino-post niyang OOTD.
“She drops all inhibitions when dressing up, choosing to wear what she wants and what feels authentic to her personal style,” sey sa magazine.
Nasa listahan din ng “Best Dressed” ang Kapuso actress na si Kyline Alcantara na gumagawa raw ngayon ng ingay sa fashion industry.
“She cites that what she wears depends on her mood, so it’s no surprise that she leans towards comfy ‘fits, whether in neutrals or with pops of color, when dressing up. She breathes zest into clothes and elevates threads with her charisma and wide-eyed energy. On-lookers are always left wanting to see what she serves up next!” nakalahad sa description ng magazine kay Kyline.
Maliban sa tatlong aktres, ang bumubuo sa top 10 Most Stylish ay ang stylish na si Cath Sobrevega, Events Hosts na sina Tim Yap at Angelique Manto, celebrity doctor na si Hayden Kho, Tourism Promotions Board Chief Marga Nograles, Entrepreneur Sarah Yu, at Designer na si Patricia Santos.
Related chika:
Janella na-in love sa backstory ni Valentina: Sabi ko talaga, kailangan ko itong makuha!