Lola mala-’Steph Curry’ ang shooting skills, netizens elibs na elibs: Ang lupet ni Nanay!

PHOTO: Screengrab from Jeth Almador’s viral video

MARAMING netizens ang humanga at napabilib sa isang lola na naglaro ng basketball sa isang arcade sa Laguna.

Paano ba naman kasi, mala-Steph Curry ang kanyang moves pagdating sa pagshu-shoot ng bola sa ring.

Siya ang 64-year-old na si Lola Flor Guevarra mula sa Calamba, Laguna.

Ang viral video so social media ay ibinandera ni Jeth Almador na napadaan lang sa arcade at nakita si lola na naglalaro.

Caption pa nga ng uploader, “Kung lola ko ‘to, ipagmamalaki ko ‘to (pleading face emoji) Grabe ang galing galing ni Lolaaa (red heart emoji)”

Kung nakita niyo sa video mga ka-Bandera, walang mintis at talagang asintado sa pag-shoot si Lola Flor.

Na-interview mismo ng BANDERA ang uploader na si Jeth sinabi nga niya na humanga siya ng sobra kay lola kaya proud niyang ibinahagi ito sa socmed.

“Sobrang AMAZE po kase ‘di po ako maalam mag-basketball tapos siya 64 years old ganoon pa kagaling yung shooting skills nya,” sey niya.

Dagdag pa ni Jeth, “Kung makikita niyo po sa video, wala na pong naglalaro sa katabi niyang pwesto.

“Amaze na amaze din po sila. ‘Yung iba kumuha din ng videos.”

Naging inspirasyon daw ni Jeth si Lola Flor kaya naman nagpaabot pa siya ng mensahe.

Message niya para kay lola, “Alagaan niya po palagi ang sarili niya para mas marami pa siyang mapasaya at ma-inspire na kabataang kagaya ko.”

Bukod diyan ay may sey din siya para sa publiko, lalong-lalo na sa mga nakapanood ng kanyang viral video.

Saad ni Jeth, “Hanggat kaya nating gawin ‘yung mga bagay na nakapagpapasaya sa atin. Gawin natin ito habang tayo ay may oras pa.”

Dagdag pa niya, “and I realize na dapat alagaan din natin ‘yung mga taong mahal natin sa buhay, especially ang mga matatanda. Mas iparamdam natin sa kanila ‘yung pagmamahal na dapat ay maranasan nila bago sila kunin ng ating Poong maykapal.”

As of this writing ay may mahigit 6.7 million views na ang TikTok video ni Lola Flor at libo-libong netizens na ang napapa-wow niya.

Narito ang ilan sa mga komento na aming nabasa:

“DAMN !!! (fire emojis) parang machine yung braso ni lola sa bilis…ang galing!”

“nalagpasan pa yung highscore sa kabila”

“ang galing galing mo Lola ang bilis ng kamay niya (red heart emoji) iloveit”