Noel Trinidad hirap na hirap nang makarinig; ilang beses ni-lips-to-lips si Liza Lorena sa presscon ng ‘Family Matters’
Liza Lorena, Noel Trinidad at ang iba pang cast members ng ‘Family Matters’
AMINADO ang 81-year-old veteran actor na si Noel Trinidad na may problema na siya sa pandinig kaya kinakailangan pang ulit-ulitin sa kanya ang mga tanong sa mediacon ng “Family Matters”, na isa sa official entry sa Metro Manila Film Festival (MMFF) 2022.
Bago pa lang magsimula ang presscon, humingi na ng pasensiya ang beteranong aktor dahil sa kanyang “very bad hearing problem”. Ang co-star at katabi niyang si Agot Isidro ang nagsasabi sa kanya kung ano ang tanong.
“That’s why I have to keep consulting, ‘Ano? Ano raw?’ This is one of the difficulties that I had while we were shooting. Naging running joke na nga, e, because the director would come to us and explain the scene, everything ongoing.
“Pagtalikod pa lang niya, sasabihin ko na sila, ‘Ano raw? Ano raw?’ you know. Naging running joke na,” aniya.
“It was very frustrating for me but, at the same time, doon mo makikita ang samahan namin. They were also patient with me and so very helpful which helped me, you know, finish this movie.
“And it’s because we love, kami lahat, we’re really a part of the family. We had fun doing it, ako in spite of my hearing problem, because of these guys,” pahayag pa ng aktor.
Kuwento pa niya, totoong nahirapan siya sa schedule ng shooting ng “Family Matters”, “Couple of hours shooting, after that, go home. Couple of hours, balik na naman. Malayo ang aking ano, e, yung bahay ko from the set.
“So in that case, ang hirap! But it was also the most pleasant shooting I’ve ever experienced and that’s because of these people. We were really one happy family.
“During breaks, meron kaming sayawan, you know. Nakasama na nga ako sa TikTok dahil sa mga sayaw na tinuturo nila sa akin. So it was a terrific group.
“Masaya! Masayang-masaya! Kahit na mahirap na mahirap, ang saya-saya namin. Kaming dalawa ni Liza (Lorena), we spend the time singing old songs.
View this post on Instagram
“Nagko-contest kami. ‘O, eto, alam mo?’ I would sing one and then I’d sing another. In the meantime, while we were doing that, two of the young people… they would be dancing habang kumakanta kami.
“They were doing it in a modern dance. And that’s how we spent our time while waiting for the scene. So, ang saya-saya kahit na ang hirap-hirap ng paggawa ng pelikula,” dagdag pa niya.
Samantala, super happy daw si Noel Trinidad sa magagandang feedback na natatanggap niya mula sa mga nakapanood na ng trailer ng kanilang MMFF 2022 entry.
“People have been approaching me to shake my hand, have their pictures taken with me because of the trailer.
“For example, merong lumapit sa akin. Big man, maton! Lumapit sa akin, ‘Ang ganda ho ng trailer niyo! Naiyak ho ako! Mamang-mama na ako.’ Salamat naman! Salamat! kako. And this has been going on.
“And may I cite two people responsible for this, not just the trailer but for the movie. I want to cite, first of all, si Mel [Mendoza-del Rosario] because of the wonderful story, the script.
“Nu’ng pinresent sa akin yung script the first time, I told myself, ‘I have to do this!’ dahil pagkaganda-ganda nung script.
“The second person I have to cite for this movie, e, si Direk (Nuel Naval) You know si Direk, very quiet director but he guides you all the way.
“Hindi ka mangangapa. For example, pag gagawa kami ng eksena, hindi yan bahala ka na.
“He will explain to us what the scene is about. He will explain to us what went before, what went after, ano ang relationship namin dun sa mga characters na nandu’n.
“In other words, hindi niya sasabihin, ‘Ganito mo gawin ang arte mo, ha?!’ But he will give you the ammunition so that nasa sa iyo na to portray what’s in his mind.
“So for that I also thank tukayo, I call him tukayo, almost tukayo, si Nuel, because he really guided us in any scene.
“Kaya I was saying, sana merong category na Best Ensemble Acting in a Movie. Because surely, we will qualify for that. And that’s because of Direk. Because of Direk.
“Somehow nabuo yung gusto niya. Yung gusto niya, nabuo because of the way he directed us,” pahayag pa ng aktor.
Makakasama rin sa “Family Matters” sina Nonie Buencamino, Mylene Dizon, James Blanco, Nikki Valdez, JC Santos, Ina Feleo, Anna Luna, Ketchup Eusebio, Roxanne Guinoo at Ian Pangilinan.
Showing na sa December 25 sa lahat ng sinehan nationwide ang “Family Matters” bilang bahagi ng MMFF 2022.
Maidagdag ko lang pala, tuwang-tuwa ang members ng press nang mag-kiss sa lips sina Noel at Liza at hindi lang once or twice, kundi anim na beses! Ha-hahaha!
Talagang ipinakita nila sa nasabing presscon kung gaano sila naging close habang ginagawa ang “Family Matters” na kahit natapos na nila ang movie ay feel na feel pa rin nila ang love ng isa’t isa.
Pelikula nina Charo at Daniel wagi na naman ng international award; Maja, Empoy magaan katrabaho
Rita Daniela, Ken Chan hindi nakakuha ng major awards sa MMFF 2021 dahil…
Bakit nadamay si Camille Prats sa kontrobersyal na away ng JaMill?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.