Kris Bernal at Carla Abellana
KUMASA ang mga Kapuso actress na sina Kris Bernal at Carla Abellana sa “caroling for a cause” para makalikom ng pera na ipangtutulong nila sa mga nangangailangang hayop.
Mapapanood ang pangangaroling ng dalawang celebrities sa bagong YouTube vlog ni Kris kung saan kinarir nga nila ang pagkanta ng mga Christmas songs.
Nagkasama kasi sa Noel Bazaar sa World Trade Center ang dalawang Kapuso stars hanggang sa maisipan nga ni Kris na makipag-collab kay Carla para sa isang vlog.
Sabi ni Kris, nagpadala raw siya ng message kay Carla at niyayang gumawa ng isang vlog. Dito nga nila naisipan na mangaroling para makaipon ng pera na gagamiting pangtulong sa 2000 stray cats and dogs.
Siyempre, pumayag naman agad si Carla sa paanyaya ni Kris dahil nga malapit sa puso niya ang mga aso at pusa lalo na yung mga inaabandona at basta na lamang pinababayaan at iniiwan sa mga lansangan.
Sabi ni Carla, “Hindi ko ‘yan hihindian basta para sa mga rescued na aso at pusa. Tutulungan natin ‘yan.”
Tuwang-tuwa naman si Kris nang pumayag si Carla na mag-guest sa kanyang YouTube channel. Aniya, matagal na niyang gustong makasama si Carla sa vlog.
“Si Carla mabait talaga siya, lagi siyang nagri-react sa mga pictures at stories.
“Very friendly siya, even sa ibang mga artista. Napapansin ko talaga, at hindi siya ‘yung artista na hindi siya magre-reply. Magre-reply siya sa ‘yo,” papuri pa ni Kris sa ex-wifey ni Tom Rodriguez.
Isa si Carla sa mga local celebrities na talagang hindi tumitigil sa pagtulong sa mga hayop na nangangailangan ng kalinga at tulong.
“Thousands of strays are euthanized on a weekly basis at City Pounds all over our country. Be a responsible pet owner too. Spay/neuter your pets to avoid unwanted pets who end up becoming strays. Do not abandon. Having a pet is a lifetime commitment.
“We will try to save what we can, but many of them have underlying conditions already. The adoption fee is cheap – vettings and sustenance are what’s hard on our part. If you wish to help, please spread the word. We badly need adopters,” aniya pa sa isang Instagram post.
70 na ang alagang aso’t pusa ni Jona sa bahay; gumagastos ng P70k kada buwan
Yassi nag-birthday kasama ang mga aso’t pusa: My heart is so, so full!